حیدرآباد: اے آئی ایم آئی ایم کے صدر اسدالدین اویسی نے نائب صدر کے عہدے کے لیے اپوزیشن کے امیدوار بی سدرشن ریڈی کی اپنی پارٹی کی جانب سے حمایت کا ہفتہ کو اعلان کیا۔

اویسی نے سوشل میڈیا پلیٹ فارم ’ایکس‘ پر ایک پوسٹ میں کہا کہ "تلنگانہ سی ایم او" نے ان سے بات کی اور 9 ستمبر کو ہونے والے نائب صدر کے انتخاب میں ریڈی کی امیدواری کی حمایت کرنے کی درخواست کی۔

انہوں نے کہا، تلنگانہ سی ایم او نے آج مجھ سے بات کی اور گزارش کی کہ ہم نائب صدر کے انتخاب میں جسٹس سودرشن ریڈی کی حمایت کریں۔ اے آئی ایم آئی ایم جسٹس ریڈی کی حمایت کرے گی، جو کہ حیدرآباد سے تعلق رکھتے ہیں اور ایک معزز قانون دان ہیں۔

حیدرآباد سے رکن پارلیمنٹ اویسی نے بتایا کہ انہوں نے سپریم کورٹ کے سابق جج ریڈی سے بات کی اور انہیں نیک خواہشات پیش کیں۔ اویسی، آل انڈیا مجلس اتحاد المسلمین (اے آئی ایم آئی ایم) کی لوک سبھا میں نمائندگی کرتے ہیں۔