نئی دہلی: بنگلور میں ایک ایسے مریض کے اعضاء کو ملک کے مختلف حصوں میں منتقل کر کے پانچ افراد کو نئی زندگی دی گئی، جسے جمعہ کو ڈاکٹروں نے برین ڈیتھ (دماغ کا کام کرنا بند کر دینا) قرار دیا تھا۔ اس مہم کے تحت فضائیہ کے طیارے کے ذریعے ایک گردہ اور ایک کورنیا بنگلور سے دہلی پہنچایا گیا۔
فضائیہ نے ہفتہ کو ایکس پر ایک پوسٹ میں مربوط مہم کی تفصیلات اور اعضاء کو ہوائی راستے سے لے جانے کی تصاویر شیئر کیں۔ پوسٹ میں کہا گیا، فضائیہ نے کمانڈ اسپتال ایئر فورس بنگلور (سی ایچ اے ایف بی) کے ذریعے زندگی بچانے والے پیوندکاری کو ممکن بنانے اور مختلف مقامات پر اعضاء کو پہنچانے میں مدد کی۔
اس میں کہا گیا کہ جمعہ کو برین ڈیتھ' قرار دیا گیا مریض پانچ افراد کو نئی زندگی دے گیا۔ فضائیہ کے مطابق، ایک گردہ اور ایک کورنیا ق دہلی کے فوجی اسپتال میں بھیجا گیا۔ دوسرے گردے، کورنیا ، جلد کے پیوندکاری کی کارروائی بنگلور کے وکٹوریا اسپتال کی میڈیکل ٹیم کے تعاون سے سی ایچ اے ایف بی میں کی گئی۔ اس نے کہا کہ گلی نیگلز بی جی ایس اسپتال میں جگر کا کامیابی سے پیوندکاری کیا گیا۔
