جان اسپینسر

ہندوستان کی دفاعی طاقت میں تبدیلی کا آغاز 2014 میں ہوا، جب وزیر اعظم مودی نے "میک اِن انڈیا" منصوبہ شروع کیا۔اس منصوبے کا مقصد واضح تھاکہ غیر ملکی ہتھیاروں پر انحصار کم کرنا اور عالمی معیار کی ملکی دفاعی صنعت قائم کرنا۔ اس پالیسی نے مشترکہ منصوبوں کو فروغ دیا، دفاعی شعبے میں براہ راست غیر ملکی سرمایہ کاری کو 74 فیصد تک کھولا، اور سرکاری و نجی شعبوں کو جدید فوجی ساز و سامان ملک میں تیار کرنے کی ترغیب دی۔ چند ہی برسوں میں برہموس میزائل، K9 وجرا ہووٹزر، اورAK-203 رائفل جیسے نظام کئی ٹیکنالوجی شراکت داریوں کے تحت،لیکن بڑھتے ہوئے ملکی کنٹرول کے ساتھ۔ ہندوستان میں تیار ہونا شروع ہو گئے۔ 

پھر دوسرا مرحلہ آیا
2020 میں، کووڈ-19 وبا اور چین کے ساتھ وادی گلوان کی جھڑپ نے غیر ملکی سپلائی چینز کی کمزوری اور آپریشنل خود کفالت کی فوری ضرورت کو بے نقاب کر دیا۔ اس کے جواب میں مودی نے "آتم نربھر بھارت" ۔ یعنی "خود انحصار بھارت" ۔ کا اعلان کیا۔ یہ محض معاشی پالیسی نہیں بلکہ ایک قومی سلامتی کا نظریہ بن گیا۔ ہندوستان نے اہم دفاعی درآمدات پر مرحلہ وار پابندیاں لگائیں، مسلح افواج کو ہنگامی خریداری کے اختیارات دیے،ملکی تحقیق، ڈیزائن اور پیداوار میں سرمایہ کاری میں اضافہ کیا۔ 2025 تک، دفاعی خریداری میں ملکی مواد کا تناسب 30 فیصد سے بڑھا کر 65 فیصد تک پہنچ چکا تھا، اور دہائی کے اختتام تک 90 فیصد ہدف مقرر کیا گیا۔

یہ نظریہ 22 اپریل 2025 کو آزمائش سے دوچار ہوا، جب پاکستان کے حمایت یافتہ دہشت گردوں نے جموں و کشمیر کے بیسران ویلی میں 26 ہندوستانی شہریوں کو شہید کر دیا۔
اس کے جواب میں ہندوستان نے "آپریشن سیندور " کا آغاز کیا ۔ ایک تیز رفتار، کثیر جہتی فوجی مہم، جس نے نہ صرف سرحد پار دہشت گرد نیٹ ورکس کو ختم کیا، بلکہ ہندوستان کی دفاعی تبدیلی کا ایک مکمل مظاہرہ بن گئی۔آپریشن سیندور میں ہندوستان کے مقامی طور پر تیار کردہ ہتھیار چینی نظاموں کے خلاف استعمال ہوئے جو پاکستان نے میدان میں اتارے تھے۔ ہندوستان نے صرف میدان جنگ میں نہیں جیتا ۔ بلکہ ٹیکنالوجی کی دوڑ میں بھی بازی لے گیا۔ یہ صرف جوابی کارروائی نہیں تھی، بلکہ "میک ان انڈیا" اور "آتم نربھر بھارت" کے دوہرے نظریات کے تحت تیار کردہ خودمختار ہتھیاروں کا اسٹریٹجک آغاز تھا۔

ہندوستان کا اسلحہ خانہ: خودمختار نظام، جنگ میں آزمایا ہوا

برہموس سپرسونک کروز میزائل
روس کے ساتھ مشترکہ طور پر تیار کیا گیا مگر زیادہ تر ہندوستان میں تیار ہونے والا برہموس دنیا کے تیز ترین اور درست ترین کروز میزائلز میں شمار ہوتا ہے۔ میک 2.8–3.0 کی رفتار اور 290–500 کلومیٹر کی رینج کے ساتھ، اس کا استعمال ریڈار اسٹیشنز اور سخت بنکروں جیسے اہم اہداف پر کیا گیا۔ اس کی رفتار اور کم ریڈار سگنل اسے تقریباً ناقابلِ روک بناتی ہے۔

آکاشSAM + آکاش تیر سسٹم
ڈی آر ڈی او اور ہندوستان ڈائنامکس کا تیار کردہ "آکاش" ایک آل ویدر موبائل ایئر ڈیفنس سسٹم ہے جس کی رینج 25–30 کلومیٹر ہے۔ اسے "آکاش تیر" کمانڈ اینڈ کنٹرول سسٹم کے ساتھ مربوط کیا گیا جو کہAI پر مبنی دفاعی نیٹ ورک ہے۔ یہ سسٹم حقیقی وقت میں فضائی خطرات ۔ بشمول ڈرونز، کروز میزائلز، اور طیارے ۔ کا ردعمل مربوط طور پر فراہم کرتا ہے۔

رُدرَم اینٹی-ریڈیشن میزائل
ہندوستان کا پہلا مکمل طور پر ملکی طور پر تیار کردہ اینٹی ریڈیشن میزائل، رُدرَم-1 دشمن کے ریڈار سگنلز کو ٹریک کر کے فضائی دفاعی نظام کو ناکارہ کرتا ہے۔ اسے پاکستانی گراؤنڈ ریڈارز کو خاموش کرنے اورLoC کے اہم علاقوں میں دشمن کی صورتحال آگاہی کمزور کرنے کے لیے تعینات کیا گیا۔

بیٹل فیلڈISR: نیتراAEW&C
DRDO کا تیار کردہ، امبریئر پلیٹ فارم پر مبنی "نیترا" ہندوستان کا مقامی طور پر تیار کردہ فضائی وارننگ اور کنٹرول طیارہ ہے۔ اس نے دشمن کے طیاروں اور میزائلز کو حقیقی وقت میں ٹریک کیا اور ہندوستانی طیاروں کو گہرے حملوں کے لیے رہنمائی دی۔ اس کی افادیت اُس وقت ظاہر ہوئی جب پاکستان کا سویڈش ساختہSaab 2000 AEW&C میزائل حملے میں تباہ ہوا۔

لوئٹرنگ میونیشنز(SkyStriker, Harop)
ہندوستان نے "ہارپ" اور "اسکائی اسٹرائیکر" ڈرونز کا استعمال کیا ۔ یہ خودکش ڈرونز ہیں جو میدانِ جنگ میں منڈلاتے رہتے ہیں اور دشمن کے اہداف پر جا گرتے ہیں۔ ہارپIAI-BEL (اسرائیل-ہندوستان مشترکہ منصوبہ) کے تحت تیار ہوا جبکہSkyStriker Elbit JV کے تحت ہندوستان میں اسمبل کیا گیا۔ انہیں موبائل ریڈارز، قافلوں اور اہم انفراسٹرکچر کو کم سے کم سائیڈ ایفیکٹ کے ساتھ تباہ کرنے کے لیے استعمال کیا گیا۔

D4S کاؤنٹر-ڈرون سسٹم
یہ ایک مقامی طور پر تیار کردہ کثیر پرت ڈرون دفاعی نظام ہے، جو ریڈار، RF جیمرز، EO/IR سینسرز، اور کائنیٹک کِل آپشنز کو مربوط کرتا ہے۔D4S نے درجنوں چینی ساختہ پاکستانی ڈرونز کو ناکارہ بنایا۔ یہ نظام ہندوستان کی ایئر ڈیفنس سے الیکٹرانک وارفیئر بالادستی کی جانب تبدیلی کی علامت ہے۔

M777 الٹرا لائٹ ہووٹزر
اگرچہ یہ ہتھیار امریکہ سے درآمد کیا گیا، مگر اسے ہندوستانی پہاڑی جنگی حکمت عملی میں مربوط کیا گیا۔ اسےExcalibur گائیڈڈ گولوں کے ساتھ استعمال کیا گیا تاکہLoC پار کیے بغیر دہشت گرد کیمپوں کو نشانہ بنایا جا سکے۔ اس کی ہوائی نقل و حمل اور تیز تعیناتی اسے بلند مقامات کے لیے موزوں بناتی ہے۔

T-72 مین بیٹل ٹینک اور زوراور لائٹ ٹینک
ہندوستان نے اپگریڈ شدہT-72 ٹینکس کوLoC پر نگرانی کے لیے تعینات کیا۔ "زوراور"، ایک نیا لائٹ ٹینک جو بلند پہاڑی علاقوں کے لیے تیار کیا جا رہا ہے، بھی زیرِ ترقی ہے۔ یہ نظام ہندوستان کی چیلنجنگ ہمالیائی علاقوں میں حرکت اور فائر پاور میں سرمایہ کاری کا تسلسل ظاہر کرتے ہیں۔

فضائی پلیٹ فارمز: رافیل، Su-30MKI، میراج 2000

"آپریشن سیندور " میں ہندوستان نے اپنے جدید ترین فائٹر جیٹس کو تعینات کیا۔ فرانسیسی ساختہ رافیل نےSCALP لانگ رینج کروز میزائلز کے ذریعے دشمن کے مضبوط ٹھکانوں پر گہرے حملے کیے۔ اس کے ساتھ میٹیور(Meteor) میزائل بھی لادے گئے، جو 100 کلومیٹر سے زیادہ فاصلے تک فضائی اہداف کو نشانہ بنا سکتے ہیں ۔ جس نے ہندوستان کو ایئر کامبیٹ میں فیصلہ کن برتری دی۔روسی ڈیزائن پر مبنی اور ہندوستان میں تیار ہونے والاSu-30MKI اور فرانسیسی میراج 2000 نے متعدد فضائی حملے کیے اور فضائی حدود پر کنٹرول قائم رکھا۔

یہ تمام طیارے "نیترہAEW&C" کے زیرِ سایہ پرواز کر رہے تھے، جو میدان جنگ میں دشمن کی نقل و حرکت پر نظر رکھتے اور فضائی جنگ کو مربوط کرتے تھے۔ دوسری جانب، رُدرَم میزائلز کا استعمال دشمن کے ایئر ڈیفنس نظام کو ختم کرنے کے لیےSEAD مشنز میں کیا گیا، تاکہ ہندوستانی فضائی آپریشنز کو محفوظ بنایا جا سکے۔

پاکستان کا اسلحہ خانہ: چینی نظام، اسٹریٹجک ناکامیاں

JF-17 تھنڈر(بلاکII/III)
پاکستان میں تیار کیا گیا مگر چینیAVIC کا ڈیزائن اور ٹیکنالوجی ہے۔ ان طیاروں کا انحصار چینی اویونکس، ریڈار، RD-93 انجن، اور ہتھیاروں پر ہے۔ "سیندور " میں یہ ہندوستانی حملوں کو روکنے یا فضائی برتری حاصل کرنے میں ناکام رہے۔ ان کی کم پیلوڈ کی صلاحیت، پرانا ریڈار، اور ناقص بقاء واضح ہو گئی۔

F-16 فائٹنگ فالکنز (امریکہ)
تکنیکی لحاظ سےJF-17 سے بہتر مگر امریکیEnd-User شرائط کے باعث ہندوستان کے خلاف استعمال پر پابندی ہے۔ نتیجتاً، یہ "سیندور " کے دوران پس پردہ چلے گئے ۔ اور پاکستان ایک فعال فضائی برتری کے پلیٹ فارم سے محروم رہا۔

HQ-9 / HQ-16 SAM سسٹمز
روس کےS-300 اورBuk نظاموں کی چینی نقل، یہ نظام ہندوستانی فضائی حملوں کو روکنے کے لیے تعینات کیے گئے۔ مگر ہندوستان کے جیمنگ اور دھوکہ دہی آپریشنز کے تحت یہ ناکام ہو گئے۔ برہموس اور خودکش ڈرونز نے انہیں آسانی سے شکست دی۔

LY-80 اورFM-90 ایئر ڈیفنس
چینی ساختہ پرانے مختصر اور درمیانے فاصلے کے دفاعی نظام۔ یہ ہندوستانی کم بلندی والے ڈرونز اور گائیڈڈ ہتھیاروں کو روکنے میں ناکام رہے۔ اس سے پاکستان کو فعال دفاعی حکمت عملی کے بجائے خاموش یا غیر حرکی دفاع پر انحصار کرنا پڑا۔

CH-4 ڈرونز (چین)
پاکستان نے انہیںISR اور لائٹ اسٹرائیک مشنز کے لیے استعمال کیا، مگر یہ بار بار مار گرائے گئے یا جیمنگ کا شکار ہوئے۔ ہندوستان کےD4S نظام کے زیر اثر یہ ناقص کارکردگی کا مظاہرہ کرتے رہے۔ اطلاعات کے مطابق ترک ڈرون آپریٹرز کو بلایا گیا ۔ جو ساز و سامان ہی نہیں، عملے کی بھی کمزوری ظاہر کرتا ہے۔

Saab 2000 AEW&C (سویڈن)
پاکستان کا کلیدیAEW&C طیارہ، جسے غالباًS-400 میزائل نے تباہ کیا۔ اس سے پاکستان کا ایئر اسپیس آگاہی نیٹ ورک مفلوج ہو گیا۔

فیصلہ: ہندوستان کی خودمختار قوت بمقابلہ پاکستان کا انحصار

ہندوستان نے خودمختار قوت کے طور پر جنگ لڑی ۔ ایسے ہتھیار استعمال کیے جو اس نے خود بنائے، تیار کیے، اور مکمل کنٹرول سے تعینات کیے۔ پاکستان ایک پراکسی طاقت کی طرح لڑا، چینی ہتھیاروں پر انحصار کرتے ہوئے جو برآمدات کے لیے بنے تھے، نہ کہ کارکردگی کے لیے۔ جب ان نظاموں کو چیلنج کیا گیا، وہ ناکام ہو گئے ۔ اور اسلام آباد کی دفاعی حکمت عملی کا کھوکھلا پن بے نقاب ہو گیا۔

عالمی منڈی نے ردعمل دیا۔ ہندوستان کے دفاعی شیئرز میں اضافہ ہوا ۔ پیراس ڈیفنس اینڈ اسپیس میں مئی کے مہینے میں 49فیصد اضافہ ہوا، جبکہMTAR ٹیکنالوجیز اور ڈیٹا پیٹرنز میں بھی سرمایہ کاروں کا اعتماد بڑھا۔ اس کے برعکس، چینی دفاعی کمپنیوں کے حصص گر گئے۔AVIC، NORINCO، CETC ۔ سب کو جھٹکا لگا کیونکہ میدان جنگ نے ان کے دعووں کو جھوٹا ثابت کر دیا۔"آپریشن سیندور " صرف ایک فوجی مہم نہیں تھی۔ یہ ٹیکنالوجی کی نمائش، مارکیٹ کا اشارہ، اور ایک اسٹریٹجک خاکہ تھا۔ ہندوستان نے دنیا کو دکھایا کہ جدید جنگ میں خود انحصاری کیسی دکھتی ہے ۔ اور یہ ثابت کیا کہ "آتم نربھر بھارت" میدان جنگ میں کامیاب ہوتا ہے۔

جان اسپینسر
شہری جنگ کے عالمی ماہرین میں شمار کیے جاتے ہیں۔ وہ ویسٹ پوائنٹ کے "ماڈرن وار انسٹیٹیوٹ" میں "اربن وارفیئر اسٹڈیز" کے چیئر، "اربن وارفیئر پراجیکٹ" کے شریک ڈائریکٹر، اور اس کے پوڈکاسٹ کے میزبان بھی ہیں۔ 

یہ ان کاX (سابقہ ٹوئٹر) پر پوسٹ کیا گیا مکمل متن ہے۔

https://t.co/CkxSUVgE3B

— John Spencer (@SpencerGuard) May 29, 2025