نئی دہلی: ملک میں کورونا کے نئے ویریئنٹ اومی کرون کے کیسز بھی سامنے آئے ہیں۔ دونوں مریض کرناٹک کے رہنے والے ہیں۔

ان میں سے ایک کی عمر 46 اور دوسرے کی عمر 66 سال ہے۔ وزارت صحت کے جوائنٹ سکریٹری لو اگروال نے جمعرات کو یہ اطلاع دی۔

انہوں نے کہا کہ کورونا کی نئی قسم اومیکرون کے تیزی سے پھیلنے کااندیشہ ہے۔ یہ 5 گنا زیادہ متعدی ہوسکتا ہے۔

اومیکرون کے اب تک 29 ممالک میں 373 کیسز پائے گئے ہیں۔ انہوں نے کہا کہ ایک ماہ سے ملک میں کورونا کے کیسز میں مسلسل کمی آرہی ہے۔

البتہ 15 اضلاع میں مثبتیت کی شرح اب بھی 10 فیصد سے زیادہ ہے۔ یہ 18 اضلاع میں 5 سے 10 فیصد ہے۔

کیرالہ اور مہاراشٹر صرف دو ریاستیں ہیں جہاں 10,000 سے زیادہ ایکٹو کیسز ہیں۔ ملک کے 55% سے زیادہ کیسز یہاں ہیں۔

وزارت صحت کے جوائنٹ سکریٹری لو اگروال نے جمعرات کو کہا کہ 49 فیصد آبادی کو ویکسین کی دونوں خوراکیں ملی ہیں۔

ڈور ٹو ڈور ویکسینیشن مہم شروع کر دی گئی ہے۔ اس وقت ملک میں کورونا کے 99,763 ایکٹیو کیسز ہیں۔ گزشتہ 24 گھنٹوں میں 9,765 نئے کیس رپورٹ ہوئے ہیں۔