گورکھپور

کورونا وائرس کی دوسری لہر نے لوگوں کی زندگی کو مشکل بنا دیا ہے۔ آکسیجن ، دوائی اور مناسب طبی سہولیات کی عدم موجودگی میں بیشتر مریض زندگی کی جنگ لڑ رہے ہیں۔ کورونا کی واپسی کا آغاز بڑے شہروں سے ہوا ہے۔

علمائے کرام کی اپیل 

علمائے کرام نے لوگوں سے اپیل کی ہے کہ وہ عید پر نئے کپڑے بنوانے کے بجائے کورونا سے متاثرہ مریضوں کی مدد کریں. مسکینوں کی مدد کریں.بھوکوں ، مسافروں کے لئے کھانے اور بیماروں کے لیے ادویات کا انتظام کریں۔

مساجد سے بھی اپیل کی جارہی ہے کہ وہ ان لوگوں کی مدد کریں جو کورونا پھیلنے کی وجہ سے بے روزگار ہوچکے ہیں اور انہیں کوئی مدد نہیں مل رہی ہے۔ علما کی اپیل انٹرنیٹ وسوشل میڈیا کے ذریعہ لوگوں تک پہنچائی جارہی ہے۔

 مشکل وقت میں ساتھ کھڑا ہونا پڑتا ہے

مفتی اختر حسین منانی نے ملک بھر کے صاحب نصاب (مالی طور پر اہل) مسلمانوں سے اپیل کی کہ وہ ایسے مستحق افراد کی مدد کریں جو بیمار ہیں۔ جن کو دوا کی اشد ضرورت ہے۔ ان لوگوں کے لئے راشن کا انتظام کریں جن کے پاس کھانے پینے کی چیزیں نہیں ہیں۔ عید کے اخراجات کم کرکے ہر ضرورت مند کی مدد کریں۔ کسی کی مدد کرنے کے لئے رمضان بہتر مہینہ ہوسکتاہے۔

کھلے دل سے غریبوں کی مدد کریں

مولانا عبد الخلیق نظامی نے کہا کہ بہت سارے لوگ کورونا انفیکشن کی وجہ سے مشکل میں ہیں۔ وہ کھانے پینے اور ادویات کے لئے پریشان ہیں۔ لوگ اس عید پر اپنے آس پاس رہنے والے سبھی لوگوں کی کھلے عام مدد کریں۔ انہیں کھانا دیں اور کپڑے کے ساتھ ساتھ دوائیں بھی دیں۔ مذہب مدد کے راستے میں رکاوٹ نہیں بننا چاہئے۔ اس مشکل مرحلے میں ، سب کو ایک ساتھ کھڑا ہونا پڑے گا۔

ہر ضرورت مند کی مدد کی جائے

مفتی خوش محمد مصباحی نے کہا کہ ہمارا دین ہر ضرورت مند کی مدد کا حکم دیتا ہے۔ اس سے کوئی فرق نہیں پڑتا ہے کہ اس کا مذہب کیا ہے۔ انہوں نے روزیداروں سے مطالبہ کیا کہ وہ ان لوگوں کی بھی مدد کریں جو کورونا کی وبا کی وجہ سے بے روزگار ہوچکے ہیں۔ یہ مشکلات کا وقت ہوسکتا ہے ، لیکن اگر ہم اس وقت باہمی ہم آہنگی کو برقرار رکھتے ہیں تو ہم یقینا اخوت کو بڑھا رہے ہیں۔ قاری مونس رضوی نے کہا کہ اللہ ان کی مدد کرتا ہے جو دوسروں کی مدد کرتے ہیں۔ اسراف اور فضول خرچی کو روکیں اور ناداروں کو مدد فراہم کریں۔