ثاقب سلیم 

اس تنظیم نے اقلیتی طبقے سے تعلق رکھنے والے21 لاکھ لوگوں کی مالی مدد کی ہے۔ کیا آپ یقین کریں گے اگر میں آپ کو بتاؤں کہ مذہبی اقلیتی طبقے سے تعلق رکھنے والے لوگوں کو مائیکرو فائنانس، ٹرم لون، ایجوکیشن لون اور دیگر مالی امداد فراہم کرنے والا یہ سرکاری ادارہ ہے؟ اگر میں اس میں اضافہ کروں کہ 20 لاکھ سے زیادہ لوگوں کو اس سے 7414 کروڑ روپے کی مدد ملی ہے؟ آپ شاید یقین نہ کریں، جیسا کہ ہم میں سے بہت سے لوگ نہیں جانتے، کہ نیشنل ماینارٹیز ڈیولپمنٹ اینڈ فنانس کارپوریشن (این ایم ڈی ایف سی)، 1994 میں قائم شدہ ایک ادارہ ہے جو ،قومی سطح پر اقلیتوں کے فائدے کے لیے کام کرتا ہے۔

یہ اقلیتوں کو رعایتی قرض فراہم کرتا ہے تاکہ وہ خود روزگار/ آمدنی پیدا کرسکیں۔ این ایم ڈی ایف سی مسلمان، عیسائی، سکھ، بدھسٹ، پارسی اور جین اقلیتوں کو فائدہ پہنچانے کے لیے متعدد اسکیمیں چلاتی ہے۔ اسکیموں کو ریاستی حکومت/یوٹی انتظامیہ کے ذریعہ نامزد کردہ ریاستی چینلائزنگ ایجنسیوں کے ذریعے لاگو کیا جاتا ہے۔

سالانہ آمدنی کی بنیاد پر، ٹارگٹ گروپس کو دو گروپوں میں تقسیم کیا گیا ہے: کریڈٹ لائن-1 - فوائد ان افراد کے لیے دستیاب ہیں جن کی سالانہ خاندانی آمدنی دیہی علاقوں میں 98,000/- اور شہری علاقوں میں 1.20 لاکھ روپے تک ہے۔

کریڈٹ لائن-2 - فوائد ان افراد کے لیے دستیاب ہیں جن کی سالانہ خاندانی آمدنی آٹھ لاکھ روپے تک ہے۔ این این ڈی ایف سی کی ٹرم لون اسکیم اقتصادی طور پر قابل عمل آمدنی پیدا کرنے والے منصوبوں میں مدد کرتی ہے۔ کریڈٹ لائن-1 کے تحت 20 لاکھ روپےتک کا قرض ۔ کریڈٹ لائن -2 کے تحت 30 لاکھ کی رقم بالترتیب چھ فیصد اورآٹھ فیصد پی اے پر مستفیدین کو دی جاتی ہے۔ تعلیمی قرض کی اسکیم معاشی طور پر پسماندہ طبقوں کے طلباء کو ملازمت پر مبنی 'تکنیکی اور پیشہ ورانہ کورسز' کے حصول میں مدد کرتی ہے جس کی مدت پانچ سال سے زیادہ نہ ہو۔

گھریلو کورسز کے لیے 20 لاکھ روپےتک کا قرض 3فیصد پی اے پردیا جاتا ہے۔جب کہ بیرون ملک کورسز کے لیے 30 لاکھ روپے تک کا قرض آٹھ فیصد پی اے پر مستفید ہونے والوں کو دیا جاتاہے۔ مائیکرو فائنانس اسکیم کے تحت کریڈٹ سیلف ہیلپ گروپس کے ممبران کو دیا جاتا ہے، جن میں بنیادی طور پر دور دراز کے دیہاتوں اور شہری کچی آبادیوں میں بکھری اقلیتی خواتین شامل ہوتی ہیں، جو رسمی بینکنگ کریڈٹ کا فائدہ نہیں اٹھا پاتی ہیں۔

این ایم ڈی ایف سی کی وراثت اسکیم اقلیتی برادریوں کے کاریگروں کو آلات/مشینری/خام مال کی خریداری کے لیے ورکنگ کیپیٹل اور فکسڈ کیپیٹل کو پورا کرنے میں مدد کرتی ہے۔ کریڈٹ لائن-1 اور 2 کے تحت 10 لاکھ روپے تک کا زیادہ سے زیادہ قرض حاصل کیا جا سکتا ہے۔ یہ تمام اسکیمیں ان گروپوں سے تعلق رکھنے والی خواتین کو مزید رعایتیں دیتی ہیں۔

پچھلے 26 سالوں میں 20,46,174 لوگوں نے ان اسکیموں سے فائدہ اٹھایا ہے اور کل مالی مدد 7414.85 کروڑ روپے دی گئی ہے۔ مالی سال 2020-21 اور 2021-22 کے دوران،کوڈ۔ 19 سے بھی متاثر ہوئے، بالترتیب 1,48,856 اور 1,60,292 لوگوں نے کارپوریشن سے مدد حاصل کی ہے۔ اس گروپ کے دوران فراہم کی گئی کل مالی امداد 1,350 کروڑ روپے سے زیادہ تھی۔ ان اسکیموں کے استفادہ کنندگان قومی دھارے کی معیشت میں شامل ہونے میں کامیاب ہوئے ہیں۔

ساحل خان کا خصوصی تذکرہ کیا جانا چاہئے جو ایمس کلیانی، مغربی بنگال میں نرسنگ آفیسر کے طور پر خدمات انجام دے رہے ہیں۔ وہ کارپوریشن سے تعلیمی قرض لے کر اپنی تعلیم مکمل کر پائے ہیں۔ ناہید حنا، ایک معذور طلاق یافتہ ماں ہیں جو سہارنپور میں اپنا بیوٹی سیلون شروع کر سکی ہیں۔ کارپوریشن کے پاس سنانے کے لیے ایسی 20 لاکھ سے زیادہ کہانیاں ہیں لیکن ہمارا سوال ہے کہ کیا ہم اس کے کام کے بارے میں جانتے ہیں؟