گروگرام (ہریانہ): بھارتیہ جنتا پارٹی (بی جے پی) کے قومی صدر نتن نوین نے ہفتے کے روز لوگوں سے خون عطیہ کرنے کی اپیل کرتے ہوئے اسے ’’ایک رسم اور بھائی چارے کو مضبوط بنانے کا مقدس طریقہ‘‘ قرار دیا۔ نوین نے کہا کہ اس مہم میں نئی نسل کی شرکت ایک مثبت علامت ہے۔ انہوں نے نوجوان نسل کو ملک کا مستقبل قرار دیتے ہوئے ان سے منشیات ترک کرنے اور خون عطیہ کرنے کا عہد کرنے کی اپیل کی۔
بی جے پی صدر نے یہ بات مانسر کے قریب بھورا کلاں واقع ’اوم شانتی ریٹریٹ سینٹر‘ میں کہی، جہاں وہ برہما کماری ادارے کے سماجی خدمت شعبے کی جانب سے منعقدہ ’بلڈ ڈونیشن مہا ابھیان‘ کے آغاز کے موقع پر بطور مہمان خصوصی شریک ہوئے۔
ایک سرکاری بیان کے مطابق، نوین نے برہما کماری ادارے کی کوششوں کی تعریف کرتے ہوئے کہا کہ یہ تنظیم مشکل حالات میں بھی پرسکون ذہن کے ساتھ بڑے اہداف حاصل کرنے کی سمت میں ایک متاثر کن ستون کے طور پر کام کر رہی ہے۔ تقریب کے دوران ہندوستانی ثقافت اور یوگا کے عالمی اثرات کا ذکر کرتے ہوئے انہوں نے کہا کہ ہندوستان کے قدیم یوگا نظام نے سرحدوں کو عبور کرکے پوری دنیا میں اپنی شناخت قائم کی ہے۔
