وندے بھارت ایکسپریس بھینس کے ریوڑ سے ٹکراکر حادثے کا شکار

Story by  اے ٹی وی | Posted by  Shah Imran Hasan | 1 Years ago
وندے بھارت ایکسپریس بھینس کے ریوڑ سے ٹکراکر حادثے کا شکار
وندے بھارت ایکسپریس بھینس کے ریوڑ سے ٹکراکر حادثے کا شکار

 

 

احمد آباد: نئی وندے بھارت ایکسپریس ٹرین جمعرات (6 اکتوبر 2022) کو حادثے کا شکار ہوگئی۔ ممبئی سے آتے ہوئے احمد آباد ریلوے اسٹیشن کے قریب وٹو اور منی نگر اسٹیشنوں کے قریب یہ بھینسوں کے ریوڑ سے ٹکرا گئی۔ واقعے میں کسی جانی نقصان کی کوئی اطلاع نہیں ہے۔

یہ واقعہ صبح 11:18 پر پیش آیا۔ اس میں وندے بھارت ایکسپریس ٹرین کا اگلا حصہ ٹوٹ گیا۔اس کے بعد ٹرین کچھ دیر تک کھڑی رہی۔اس کے بعد ٹرین کو 11:27 پر روانہ کر دیا گیا ہے۔آپ کو بتا دیں، وزیراعظم نریندر مودی نے حال ہی میں ممبئی اور گاندھی نگر کے درمیان نئی وندے بھارت ایکسپریس کو جھنڈی دکھا کر روانہ کیا تھا۔

ریلوے کے پی آر او پردیپ شرما نے بتایا کہ اس حادثے میں ٹرین کو کچھ نقصان پہنچا ہے۔ ٹرین کے آپریشن پر کوئی اثر نہیں پڑا ہے۔ٹرین کے اگلے حصے کو نقصان پہنچاہے۔اسے درست کیا جائے گا۔ ویسٹرن ریلوے(WR) زون نے 5 اکتوبر 2022 سے وندے بھارت ایکسپریس ٹرین کے سفر کے وقت میں مزید کمی کر دی ہے۔ ٹرین ممبئی سینٹرل سے 20 منٹ پہلے گاندھی نگر پہنچے گی۔

آپ کو بتا دیں 30 ستمبر 2022 کو وزیر اعظم نریندر مودی نے گاندھی نگر سے احمد آباد کے لیے وندے بھارت ایکسپریس کو ہری جھنڈی دکھا کر روانہ کیا تھا۔ اس دوران مودی نے خود ٹرین میں سفر کیا۔مودی کے ساتھ اس سفر میں ریلوے خاندان کے کئی لوگ، کچھ خواتین کاروباری اور نوجوان بھی اس سفر میں پی ایم مودی کے ساتھی تھے۔

یہ ٹرین ملک کی تیسری نیم تیز رفتار ٹرین ہے۔ یہ ٹرین پی ایم مودی کے 'میک ان انڈیا' کے تحت بنائی گئی ہے۔ اس ٹرین کے تمام پرزے دیسی ہیں جو صرف ہندوستان میں بنائے گئے ہیں۔ وندے بھارت کے 16 کوچ ہیں۔ یہ ٹرین ایک نیم تیز رفتار ٹرین ہے۔ اس ٹرین کا انجن خود سے چلنے والا ہے۔

اس کے دروازے خودکار ہیں۔ اس میں ایک ایئر کنڈیشنڈ چیئر کار ہے۔ یہ کرسی 180 ڈگری تک گھوم سکتی ہے۔ اس ٹرین کی زیادہ سے زیادہ رفتار 180 کلومیٹر فی گھنٹہ ہو سکتی ہے۔ یہ صرف 52 سیکنڈ میں 100 کلومیٹر فی گھنٹہ کی رفتار حاصل کر سکتا ہے۔