ترواننت پورم/ آواز دی وائس
سینئر جرنلسٹ فورم، کیرالہ (ایس جے ایف کے) کے تحت 19 سے 21 اگست تک یہاں سینئر صحافیوں کی ایک قومی کانفرنس منعقد کی جائے گی۔ ایس جے ایف کے نے پیر کو ایک اعلامیہ میں کہا کہ ’’پی ڈبلیو ڈی ریسٹ ہاؤس‘‘ کے آڈیٹوریم میں منعقد ہونے والی اس کانفرنس میں 21 ریاستوں کے تقریباً 250 نمائندوں کی شرکت متوقع ہے۔
کیرالہ کے وزیراعلیٰ پینارائی وجین 20 اگست کو کانفرنس کا افتتاح کریں گے۔ اسی دن ایک قومی میڈیا سمینار کا افتتاح معروف میڈیا تجزیہ کار سیوَنتی نینن کریں گی، جبکہ کیرالہ میڈیا اکیڈمی کے تعاون سے منعقدہ ایک بین الاقوامی فوٹو نمائش کا افتتاح ریاست کے مقامی خود حکومتی اور آبکاری کے وزیر ایم بی راجیش کریں گے۔
ایس جے ایف کے نے کہا کہ سینئر صحافیوں کی اس پہلی قومی کانفرنس میں قومی پنشن اسکیم کا مطالبہ کیا جائے گا، کیونکہ مختلف ریاستوں میں ریٹائرڈ صحافیوں کو ملنے والے سماجی تحفظ کے فوائد میں بہت زیادہ عدم مساوات پائی جاتی ہے۔
کیرالہ اسمبلی میں اپوزیشن لیڈر وی۔ ڈی۔ ستیشن 21 اگست کو نمائندوں کے اجلاس کا افتتاح کریں گے۔
اعلامیہ میں کہا گیا کہ گوا کے سابق گورنر پی۔ ایس۔ شری دھرن پِلّئی خصوصی مہمان ہوں گے اور اجلاس سے سابق وزیر پی۔ کے۔ کنہالی کُٹّی بھی خطاب کریں گے۔
