اوٹنگ: اتوار کو ناگالینڈ کے مون ضلع میں سیکورٹی فورسز نے شدت پسندوں کے دھوکے میں فائرنگ کردی ۔ مقامی رپورٹ کے مطابق سیکیورٹی فورسز کی فائرنگ سے 13افراد کے ہلاک ہونے کی خبر ہے۔۔ مقامی ذرائع نے بتایا جا رہا ہے کہ یہ فائرنگ  شدت پسند تنظیم این ایس سی این سے وابستہ ہونے کے خدشے میں کی گئی۔

ناگالینڈ کے وزیر اعلیٰ نیفیو ریو نے واقعے کی مذمت کی ہے۔ انہوں نے ٹویٹ کیا کہ مونس اوٹنگ میں شہریوں کی ہلاکت کا واقعہ انتہائی قابل مذمت ہے۔ اس کی اعلیٰ سطحی ایس آئی ٹی جانچ کرے گی۔ قانون کے مطابق انصاف ہوگا۔ میں سب سے امن برقرار رکھنے کی اپیل کرتا ہوں۔

 مرکزی وزیر داخلہ امت شاہ نے ٹویٹ کیا، "ناگالینڈ کے اوٹنگ میں پیش آنے والے بدقسمت واقعہ سے غمزدہ ہوں۔ میں اپنی جانیں گنوانے والوں کے خاندانوں کے تئیں اپنی گہری تعزیت کا اظہار کرتا ہوں۔ ریاستی حکومت اس کی اعلیٰ سطحی ایس آئی ٹی جانچ کرائے گی۔ خاندانوں کو انصاف ملے گا۔اس فائرنگ میں اب تک 13 شہریوں کےمارے جانے کی اطلاع ہے۔ مرنے والوں کی تعداد بڑھ سکتی ہے۔

Anguished over an unfortunate incident in Nagaland’s Oting, Mon. I express my deepest condolences to the families of those who have lost their lives. A high-level SIT constituted by the State govt will thoroughly probe this incident to ensure justice to the bereaved families.

— Amit Shah (@AmitShah) December 5, 2021

وزیر داخلہ امت شاہ نے کہا ہے کہ ناگالینڈ میں اوٹنگ کے  اس افسوسناک  واقعہ سے مجھے بہت تکلیف ہوئی ہے۔ میں اپنی جان گنوانے والوں کے خاندانوں کے تئیں اپنی گہری تعزیت کا اظہار کرتا ہوں۔ ریاستی حکومت کی طرف سے قائم ایک اعلیٰ سطحی ایس آئی ٹی اس واقعہ کی تحقیقات کر رہی ہے۔ رپورٹ کے مطابق یہ واقعہ مون ضلع کے اوٹنگ کے ترو گاؤں میں پیش آیا۔ حملے میں ہلاک ہونے والے ایک پک اپ منی ٹرک سے واپس آرہے تھے۔