لکھنو: سماج وادی پارٹی کے سرپرست اور یوپی کے سابق وزیر اعلی ملائم سنگھ یادو کے سوتیلے بیٹے کی ساس اور اپرنا یادو بشٹ کی والدہ کا تبادلہ کر دیا گیا ہے۔ قابل ذکر ہے کہ بی جے پی لیڈر اپرنا یادو کی والدہ امبی بشت اپنے اثر و رسوخ کی وجہ سے گزشتہ 25 سال سے لکھنؤ میونسپل کارپوریشن میں کام کر رہی تھیں لیکن اب حکومت نے انہیں بارہ بنکی منتقل کر دیا ہے۔

امبی بشت زونل آفیسر کے طور پر کام کر رہی ہیں۔ اگرچہ اپرنا کی ماں کا ماضی میں کئی بار دوسرے اضلاع میں تبادلہ کیا جا چکا ہے، لیکن کہا جا رہا ہے کہ وہ سیاسی گرفت کی وجہ سے لکھنؤ سے باہر نہیں گئیں اور ان کے ٹرانسفر آرڈر کینسل ہوتے رہے۔

قابل ذکر بات یہ ہے کہ اپرنا یادو فی الحال بی جے پی کی لیڈر ہیں۔ ہم بتاتے چلیں کہ امبی بشت کا ٹرانسفر سال 2018 کے شروع میں ہوا تھا۔ اس وقت بھی اتر پردیش میں یوگی کی حکومت تھی لیکن ان کی منتقلی روک دی گئی۔ اس سے قبل وہ ایل ڈی اے میں تعینات تھیں۔

اس کے بعد انہیں میونسپل کارپوریشن میں پوسٹنگ دی گئی۔ بتا دیں کہ امبی بشت لکھنؤ میں میونسپل کارپوریشن زون-3 میں کام کرتی تھیں۔ اور اب انھیں بارہ بنکی جانا ہے۔

دراصل لکھنؤ میونسپل کارپوریشن نے حال ہی میں ٹرانسفر لسٹ جاری کی ہے۔ اس میں امبی بشت کا نام بھی شامل ہے۔ اپرنا یادو کی ماں امبی، جو لکھنؤ سے بارہ بنکی جانے والی ہیں، تقریباً 25 سال سے لکھنؤ میونسپل کارپوریشن میں اسی جگہ پر تعینات ہیں۔

کہا جا رہا ہے کہ اس دوران انھوں نے اپنے اثر و رسوخ کا خوب استعمال کیا۔ ساتھ ہی کئی دیگر افسران کے نام بھی میونسپل کارپوریشن کی ٹرانسفر لسٹ میں ہیں۔ ان میں اسسٹنٹ میونسپل کمشنر اور ای او کیٹیگری کے افسران شامل ہیں۔

قابل ذکر ہے کہ اپرنا یادو ایس پی چھوڑ کر بی جے پی میں شامل ہو چکی ہیں۔ وہ ملائم سنگھ کی دوسری بیوی سادھنا گپتا کے بیٹے پرتیک یادو کی بیوی ہیں۔پرتیک یادو ملائم سنگھ کے سگے بیٹے نہیں۔ اپرنا 2017 میں لکھنؤ کی کینٹ اسمبلی سیٹ سے ایس پی کے ٹکٹ پر الیکشن لڑ چکی ہیں۔