آواز دی وائس،چنئی

تمل ناڈو حکومت نے جرمنی، امریکہ، برطانیہ، فرانس اور آسٹریلیا وغیرہ ممالک میں منکی پوکس کی بیماری کی اطلاع ملنے کے بعد تمام ضلعی کلکٹروں اور ضلعی طبی افسران کو ہائی الرٹ پر رکھا ہے۔

تمل ناڈو کے ہیلتھ سکریٹری جے۔ رادھا کرشنن نے تمام ضلع کلکٹروں کو ایک سرکلر بھیجا ہے کہ وہ اس بیماری کے بارے میں الرٹ رہیں اور ان لوگوں کی سخت اسکریننگ کریں۔ جنہوں نے ان ممالک کا سفر کیا ہے جہاں ضلعی طبی افسران کے ساتھ مل کر منکی پوکس کے معاملات رپورٹ ہو رہے ہیں۔

ریاست کے ہیلتھ سکریٹری نے اپنے سرکلر میں کلکٹروں اور ضلعی طبی افسروں کویہ بھی ہدایت دی ہے کہ وہ بچوں سمیت لوگوں کے جسم میں ریش (چیچک) کے بارے میں الرٹ رہیں۔

ریاستی صحت کے سکریٹری نے میڈیکل افسران کو بھی ہدایت کی ہے کہ وہ تمام مشتبہ کیسوں کی صحت مراکز میں رپورٹ کریں۔

محکمہ صحت نے ڈسٹرکٹ میڈیکل آفیسرز کو ہدایت کی ہے کہ وہ لیبارٹری کے نمونے نیشنل انسٹی ٹیوٹ آف وائرولوجی کو بھیجیں۔

منکی پوکس ایک وائرل زونوٹک بیماری ہے۔ یہ ایک بیماری ہے جو جانوروں سے انسانوں میں پھیلتی ہے۔ یہ انفیکشن وسطی اور مغربی افریقہ میں عام ہیں۔ یہ جانور سے انسان میں اور پھر انسان سے انسان میں پھیلتا ہے۔