نئی دہلی/ آواز دی وائس
وزیرِ اعظم نریندر مودی کے 75ویں یومِ پیدائش کے موقع پر وزیرِ داخلہ امت شاہ نے دہلی میں "سیوا پکھواڑا" کا آغاز کیا اور 1600 کروڑ روپے کی ترقیاتی منصوبوں کا افتتاح اور سنگِ بنیاد رکھا۔ اس دوران انہوں نے کہا کہ میں نریندر مودی جی کو پچھلے 24 سالوں سے جانتا ہوں اور انہوں نے اس پورے عرصے میں ایک دن کی بھی چھٹی نہیں لی۔
سیوا پکھواڑا کا آغاز کیسے ہوا
امت شاہ نے بتایا کہ وزیرِ اعظم مودی کے یومِ پیدائش کو "سیوا پکھواڑا" کے طور پر منانے کا فیصلہ کیسے ہوا۔ انہوں نے کہا کہ مودی جی کی درازیِ عمر کے لیے سب لوگ نیک تمنائیں دے رہے ہیں۔ پارٹی یہ طے کرنے کے لیے بیٹھی کہ مودی جی کا جنم دن کیسے منایا جائے۔ اس میں طے کیا گیا کہ جس کا پورا جیون خدمت کے لیے وقف ہو، اس کے لیے خدمت کا یہ پندرہ روزہ جشن سب سے بہتر طریقہ ہوگا۔
صفائی سے لے کر غریب فلاح تک کا تہوار
انہوں نے آگے کہا کہ اس سیوا پکھواڑا کے دوران ریاست سے لے کر گرام پنچایت سطح تک صفائی مہم اور غریبوں کی فلاح کے منصوبے شروع کیے جاتے ہیں۔ 17 ستمبر کو بھی 17 عوامی فلاحی اسکیموں کا آغاز کیا گیا۔ 7 کروڑ سے زیادہ غریبوں کو مفت اناج سے لے کر 5 لاکھ روپے تک کی مفت طبی سہولیات فراہم کی گئیں۔
۔25 کروڑ لوگوں کو غربت سے نکالا
امت شاہ نے کہا کہ مودی سرکار نے پچھلے 11 برسوں میں 25 کروڑ سے زیادہ لوگوں کو غربت سے باہر نکالا اور 60 کروڑ غریبوں کو بنیادی سہولتیں فراہم کی ہیں۔ غربت کی لکیر میں کمی کی شروعات وزیرِ اعظم مودی نے ہی کی تھی۔ مودی سرکار نے کبھی عوام کے ساتھ امتیاز نہیں کیا، لیکن پرانی حکومتیں امتیاز کرتی تھیں اور 5 لاکھ روپے تک کی مفت صحت خدمات کی اسکیم بھی نافذ نہیں کرتی تھیں۔
جی ایس ٹی میں کٹوتی اور دیسی مصنوعات پر زور
امت شاہ نے جی ایس ٹی میں کمی کا ذکر کرتے ہوئے دہلی کے لوگوں سے اپیل کی کہ دیوالی پر خوب خریداری کریں لیکن زور دے کر کہا کہ صرف دیسی مصنوعات ہی خریدیں۔ انہوں نے کہا کہ جی ایس ٹی کی 18 فیصد اور 28 فیصد شرحیں ختم ہو رہی ہیں، جس سے 300 سے زیادہ اشیا سستی ہو جائیں گی۔ انہوں نے خواتین سے اپیل کی کہ خریداری کرتے وقت صرف وہی چیزیں خریدیں جو ہندوستان میں بنی ہوں۔
