بنگلو: کرناٹک کے بیدر ضلع میں اس وقت کشیدگی پھیل گئی جب دسہرہ کے جلوس کے شرکاء نے مبینہ طور پر ایک تاریخی مدرسہ محمود گاون کے احاطے میں گھس کر جمعرات کی صبح پوجا کی۔ جمعرات کو مسلم کمیونٹی کے ارکان نے ٹاؤن پولیس اسٹیشن کے سامنے احتجاجی مظاہرہ کیا اور اصولوں کی خلاف ورزی کرنے اور مدرسہ میں داخل ہونے والوں کے خلاف کارروائی کا مطالبہ کیا۔

کرناٹک کے بیدر میں پولیس نے جمعرات کو نو لوگوں کے خلاف محمود گاون مدرسہ اور مسجد کے میدان میں داخل ہونے اور نعرے لگانے کے الزام میں مقدمہ درج کیا ہے۔

ایڈیشنل سپرنٹنڈنٹ آف پولیس مہیش میگھنور نے صحافیوں کو بتایا کہ مدرسہ میں غیر قانونی طور پر داخل ہونے کے الزام میں نو افراد کے خلاف مقدمہ درج کیا گیا ہے۔

سید مبشر علی نامی شخص نے مارکیٹ پولیس اسٹیشن میں شکایت کی بنیاد پر 9 افراد کے خلاف مقدمہ درج کرایا ہے، حکام نے بتایا کہ واقعے کے بعد مدرسے کے باہر پولیس کی بھاری نفری تعینات کردی گئی ہے۔

دہائی میں بنایا گیا، یہ مدرسہ ایک تاریخی عمارت ہے جسے آرکیالوجیکل سروے آف انڈیا نے برقرار رکھا ہے جو کہ بہمنی سلطنت کے تحت ہند-اسلامی فن تعمیر کے علاقائی انداز کی عکاسی کرتا ہے۔ مدرسہ کو قومی اہمیت کی یادگاروں کی فہرست میں رکھا گیا ہے۔

پولیس کی کارروائی سوشل میڈیا پر شیئر کی گئی ویڈیوز پر غم و غصے کے بعد سامنے آئی جس میں دکھایا گیا ہے کہ ایک ہجوم مسجد کے احاطہ میں داخل ہوتا ہے، جو آرکیالوجیکل سروے آف انڈیا کے تحت ایک ورثہ مقام ہے۔

Visuals from historic Mahmud Gawan masjid & madrasa, Bidar, #Karnataka (5th October). Extremists broke the gate lock & attempted to desecrate. @bidar_police @BSBommai how can you allow this to happen? BJP is promoting such activity only to demean Muslims pic.twitter.com/WDw1Gd1b93

— Asaduddin Owaisi (@asadowaisi) October 6, 2022

یہ ہجوم مبینہ طور پر 6 اکتوبر کو دسہرہ کے موقع پر پوجا کرنے کے لیے وہاں موجود تھا۔ مسلم کمیونٹی کے ارکان نے پولس میں شکایت درج کرائی اور الزام لگایا کہ بھیڑ نے گیٹ کو توڑنے کی کوشش کی اور 'بھارت ماتا کی جئے' کے نعرے لگائے۔ انہوں نے یہ بھی الزام لگایا کہ بھیڑ نے وہاں موجود سیکورٹی اہلکار کو دھمکی دی اور مسجد کی دیوار پر کچرا پھینک دیا۔

شکایت کنندگان نے پولیس کو انتباہ بھی دیا کہ اگر ملزمان کو گرفتار نہ کیا گیا تو وہ جمعہ کو اپنے احتجاج میں شدت پیدا کریں گے۔ جس کے بعد پولس نے نو افراد کے خلاف ایف آئی آر درج کی ہے۔ تاہم ابھی تک کسی کو گرفتار نہیں کیا گیا ہے۔ پولیس سپرنٹنڈنٹ ڈیکا کشور بابو نے کہا، "نظام دور سے دسہرا کے دوران پوجا کرنا باقاعدہ رواج ہے۔ مسجد احاطے کے اندر ایک مینار ہے، عام طور پر 2-4 لوگ آتے ہیں لیکن اس بار وہاں داخل ہونے والوں کی تعداد زیادہ تھی۔ مسجد میں داخل ہونے کے لیے کسی نے غیر قانونی طور پر تالہ نہیں توڑا، ہم نے ایف آئی آر درج کرائی ہے اور رہے گی۔