نئی دہلی : اتر پردیش کے امروہہ  میں پچھلے دنوں ایک اسکول میں  ایک بچے کے ساتھ پرنسپل کے انتہائی غیر مناسب روئیے اور بدکلامی کی ویڈیو وائرل ہونے کے سبب زبردست ناراضگی پیدا ہوگئی ۔مختلف اداروں اور تنظیموں نے اس کی مذمت کی ہے ۔الائنس فار اکنامک اینڈ ایجوکیشنل ڈیولپمنٹ آف دی انڈر پری ولیجڈ(اے ای ای ڈی یو )  نے بھی اس کی سخت مذمت کی ہے بلکہ وزیر اعلی یوگی آدتیہ ناتھ  سے  اس سلسلے میں سخت  کارروائی کرنے کا زور دیا ہے ۔

 اے ای ای ڈی یو نے ایک بیان میں کہا ہے کہ ایک ایسے وقت میں جب پوری قوم خواہ مذہب اور زبان سے بالاتر ہو کر پسماندہ افراد کو تعلیم حاصل کرنا چاہتی ہے، یوپی کے امروہہ سے ایک چونکا دینے والی خبر آئی، جس میں ایک اسکول کے پرنسپل نےپانچویں جماعت کے ایک طالب علم کو  نان ویج  کھانا لانے کے الزام پر  اسکول میں روکے رکھا گیا ۔ خبروں میں دعویٰ کیا گیا ہے کہ پرنسپل نے پہلے ہی بچے کو نکال دیا ہے۔جو ویڈیو گردش کر رہی ہے اس نے ہم سب کو پریشان کر دیا  کیونکہ اس میں دکھایا گیا ہے کہ پرنسپل اس عہدے پر فائز شخص کے بارے میں نامناسب تبصرے کر رہا ہے۔ ہمارے ذہنوں میں یہ مساوات کے بنیادی اصول کی خلاف ورزی کرتا ہے۔لہذا ہم آپ سے درخواست کرتے ہیں کہ براہ کرم معاملے کی تحقیقات کرائیں اور قانون کے مطابق مناسب اصلاحی کارروائی کریں۔

وزیراعلی یوگی کے نام اس خط پر ا ے ای ای ڈی یوکے دیگر عہدے داروں کے بھی دستخط ہیں

۔1 ڈاکٹر کے رحمان خان-سابق مرکزی وزیر برائے اقلیتی امور، پیٹرن اے ای ای ڈی یو

۔ 2 ڈاکٹر ایس وائی قریشی- سابق چیف الیکشن کمشنر، صدر، اے ای ای ڈی یو

۔3ڈاکٹر نجیب جنگ۔ دہلی کے سابق ایل جی  اور سابق وی سی ، جامعہ ملیہ اسلامیہ  ۔ نائب صدر، اے ای ای ڈی یو

-4 لیفٹیننٹ جنرل ضمیر الدین ۔ ریٹائرڈ آرمی اسٹاف اور سابق وی سی، اے ایم یو ۔سابق صدر ،اے ای ای ڈی یو 

 _ 5 شاہد صدیقی- سابق ایم پی اور ایڈیٹر، نئی دنیا اور سکریٹری اے ای ای ڈی یو

_ 6 سعید مصطفی شیروانی-منیجنگ ڈائریکٹر، شیروانی گروپ آ ہوٹل ۔ خزانچی ،اے ای ای ڈی یو