حیدرآباد/ آواز دی وائس

پورے ملک میں ان دنوں گنیش اتسو منایا جا رہا ہے۔ 10 دن تک چلنے والے اس گنیش اتسو کا اختتام آنے والی 6 ستمبر کو ہوگا، جہاں لوگ دھوم دھام سے بپّا کا وسرجن کرنے کے لیے جائیں گے اور اگلے سال جلدی آنے کی دعا کریں گے۔ ایسے میں حیدرآباد کے مسلم سماج نے ایک انوکھی مثال پیش کی ہے۔ اس سال میلاد النبیؐ کے جلوس بھی 5 ستمبر کی شام کو نکالے جانے تھے جن کی تاریخ بدل دی گئی ہے۔ وزیراعلیٰ سے ملاقات کے بعد مسلم سماج نے طے کیا ہے کہ وہ میلاد النبیؐ کے جلوس اب 14 ستمبر کو نکالیں گے۔

حیدرآباد کے ممبر پارلیمنٹ اور آل انڈیا مجلس اتحاد المسلمین  کے سربراہ اسد الدین اویسی نے جمعہ کو تلنگانہ کے وزیراعلیٰ ریونت ریڈی سے ملاقات کی۔ اس دوران ان کے ساتھ ای آئی ایم آئی ایم کے فلور لیڈر اکبر الدین اویسی اور مرکزی میلاد جلوس کمیٹی کے ممبران بھی موجود تھے۔ انہوں نے وزیراعلیٰ ریونت ریڈی سے ملاقات کر کے 5 ستمبر کو نکالے جانے والے میلاد النبیؐ کے جلوسوں کی تاریخ کو آگے بڑھانے کی تجویز رکھی۔

۔14 ستمبر کو مسلمان نکالیں گے جلوس

دراصل 5 ستمبر کو میلاد النبیؐ کے جلوس نکالے جانے تھے لیکن 6 ستمبر کو گنیش وسرجن ہے، جس کی وجہ سے دونوں تقریبات کے درمیان کسی طرح کی پریشانی نہ ہو، اس لیے مسلم سماج نے یہ فیصلہ لیا ہے۔ مسلم سماج نے وزیراعلیٰ ریونت ریڈی سے بات کرتے ہوئے بتایا ہے کہ وہ آنے والی 14 تاریخ کو میلاد النبیؐ کے جلوس نکالیں گے۔ وزیراعلیٰ سے ملاقات کے دوران کمیٹی کے اراکین نے کہا کہ حیدرآباد سمیت تلنگانہ کے دیگر اضلاع میں بھی 14 ستمبر کو ہی جلوس نکالنے کی اجازت دی جائے۔

حکومت کرے سجاوٹ کو یقینی

کمیٹی کے اراکین نے وزیراعلیٰ سے ملاقات کے دوران کہا ہے کہ 14 ستمبر کو شہروں کی مشہور درگاہوں اور مساجد کی سجاوٹ کی پختہ انتظامات کیے جانے چاہئیں۔ اتنا ہی نہیں، اس دوران مفت بجلی کی فراہمی بھی ہونی چاہیے۔

گزشتہ سال بھی گنیش مورتی کا وسرجن اور میلاد النبیؐ کے جلوس کی تاریخیں ایک ہی دن تھیں۔ وسرجن کی تاریخ گزشتہ سال 17 ستمبر تھی جبکہ میلاد النبیؐ کی تاریخ 16 ستمبر تھی۔ اسی طرح اس سال بھی یہی صورتحال بنی ہے، جس کے پیش نظر مسلم سماج نے بڑی پہل کی ہے اور جلوس کی تاریخ کو آگے بڑھایا گیا ہے۔ ایسے میں گنیش مورتی وسرجن اور میلاد النبیؐ کے جلوس پُرامن طریقے سے، بغیر کسی رکاوٹ کے، آسانی سے نکل سکیں گے۔