شیلانگ
میگھالیہ کے وزیرِ صحت ڈبلیو شِلا نے بدھ کے روز کہا کہ ہندوستان میں ایچ آئی وی کے سب سے زیادہ معاملات میگھالیہ میں سامنے آئے ہیں، جہاں 10,000 سے زائد مریض علاج کے مرحلے میں ہیں۔ شِلا نے بتایا کہ ریاست نے اس صورتحال سے نمٹنے کے لیے 25 کروڑ روپے کی 5 سالہ مداخلتی منصوبہ بندی کی منظوری دے دی ہے۔
وزیرِ صحت نے اسمبلی میں کہا کہ اس وقت ریاست میں ایچ آئی وی سے متاثرہ 10,293 افراد کو اینٹی ریٹرووائرل تھراپی (اے آر ٹی) فراہم کی جا رہی ہے۔ این پی پی کے رکنِ اسمبلی مہتاب چندی اے سنگما کے ایک سوال کے جواب میں وزیر نے کہا کہ حکومت نے ایچ آئی وی/ایڈز کے معاملات میں “خطرناک اضافہ” سے نمٹنے کے لیے آئندہ 5 سال کے لیے مشن موڈ پروگرام کے تحت 25 کروڑ روپے منظور کیے ہیں۔
وزیر نے بتایا کہ گزشتہ 10 برسوں میں اس بیماری کے باعث 749 مریضوں کی موت ہو چکی ہے، جن میں مشرقی کھاسی ہلز میں 435، مغربی جینتیا ہلز میں 123 اور مشرقی جینتیا ہلز میں 90 اموات شامل ہیں۔
بڑھتے ہوئے انفیکشن کے بارے میں سوال پر انہوں نے کہا کہ ایچ آئی وی اور ایڈز (روک تھام اور کنٹرول) قانون کے تحت رازداری کی شقیں اور سماجی بدنامی بڑی رکاوٹیں ہیں۔
انہوں نے کہا كہ ایچ آئی وی کی حیثیت کو خفیہ رکھنا لازم ہے، بغیر رضامندی ٹیسٹ نہیں کیے جا سکتے، اور ہم کسی کو زبردستی دوا لینے پر مجبور نہیں کر سکتے۔ سب سے بڑا مسئلہ سماجی بدنامی ہے، جس کی وجہ سے لوگ ٹیسٹ کروانے سے گھبراتے ہیں۔
انہوں نے مزید کہا کہ ان مشکلات کے باوجود محکمہ علاج کو قبول کرنے کے رجحان میں اضافہ کرنے کے لیے آگاہی مہمات میں تیزی لا رہا ہے۔
.gif)
