نئی دہلی: کینیا کے لمبی دوڑ کے رنر الیکس مٹاتا اور لیلین کاسات رینگرُک نے اتوار کو ہونے والی ویدانتا دہلی ہاف میراتھن میں بالترتیب مردوں اور خواتین کے ایلیٹ زمرے کی دوڑ جیت لی۔

گزشتہ سال یہاں دوسرا مقام حاصل کرنے والے مٹاتا نے اس سال 59 منٹ 50 سیکنڈ میں فاصلہ طے کر کے بوئیلِن تیشاگر (1 گھنٹہ 22 سیکنڈ) اور جیمز کیپکوگی (1 گھنٹہ 25 سیکنڈ) کو شکست دی۔ خواتین کے زمرے میں رینگرُک نے ایک گھنٹہ 7 منٹ 20 سیکنڈ میں فاصلہ مکمل کر کے پہلی پوزیشن حاصل کی۔

ایتھوپیا کی جوڑی میلال سیوم بیراٹو (1 گھنٹہ 7 منٹ 21 سیکنڈ) اور مولات ٹیکلے (1 گھنٹہ 7 منٹ 29 سیکنڈ) بالترتیب دوسرے اور تیسرے نمبر پر رہیں۔ بھارت کی جانب سے ابھشیک پال اور سیما مردوں اور خواتین کے زمرے میں سب سے تیز رنر رہے۔

انہوں نے بالترتیب 1 گھنٹہ 4 منٹ 17 سیکنڈ اور 1 گھنٹہ 11 منٹ 23 سیکنڈ میں دوڑ مکمل کی۔ دہلی ہاف میراتھن کا یہ 20 واں ایڈیشن تھا، جس کا آغاز یہاں کے جواہر لال نہرو اسٹیڈیم سے ہوا۔ اس ایونٹ کی کل انعامی رقم 260,000 امریکی ڈالر تھی۔