نئی دہلی: وزیرِ اعظم مودی نے اس دوران مختلف موضوعات پر بات کی، جن میں آپریشن سندور اور فوج کے بہادری کا ذکر کیا۔ انہوں نے کہا کہ ملک کے ہر شہری نے عہد کیا ہے کہ دہشت گردی کو ختم کرنا ہے۔ 'فوجوں نے جو بہادری دکھائی، اُس نے ہر ہندوستانی کا سر بلند کیا۔

وزیرِ اعظم نے کہا،میرے پیارے ہم وطنوں، نمسکار! آج پورا ملک دہشت گردی کے خلاف یکجہتی کے ساتھ کھڑا ہے۔ غصے سے بھرا ہوا ہے اور عہد کی پختگی کے ساتھ۔ آج ہر ہندوستانی کا یہی عہد ہے کہ ہمیں دہشت گردی کو ختم کرنا ہے۔ آپریشن سندور کے دوران ہماری فوجوں نے جو بہادری دکھائی، اُس نے ہر ہندوستانی کا سر بلند کر دیا ہے۔ جس وضاحت اور درستگی کے ساتھ ہماری فوجوں نے سرحد پار دہشت گردوں کے ٹھکانوں کو تباہ کیا، وہ لاجواب ہے۔

آپریشن سندور' نے دنیا بھر میں دہشت گردی کے خلاف جنگ کو نیا حوصلہ اور اعتماد دیا ہے۔ آپریشن سندور صرف ایک فوجی مشن نہیں، یہ ہمارے عزم، حوصلے اور بدلتے ہندوستان کی تصویر ہے۔ وزیرِ اعظم نے مزید کہا، آپریشن سندور صرف ایک فوجی مشن نہیں ہے، یہ ہمارے عزم، حوصلے اور بدلتے ہندوستان کی تصویر ہے اور اس تصویر نے پورے ملک کو حب الوطنی کے جذبات سے بھر دیا ہے۔

آپ نے دیکھا ہوگا کہ ملک کے کئی شہروں، گاؤں اور چھوٹے قصبوں میں ترنگا یاترا نکالی گئی۔ ہزاروں لوگ ہاتھوں میں ترنگا لے کر فوج کی عزت افزائی کرنے نکلے۔ کئی شہروں میں شہری تحفظ کے رضاکار بننے کے لیے بڑی تعداد میں نوجوانوں نے یکجا ہو کر حصہ لیا، اور ہم نے چنڈی گڑھ کے ویڈیوز کو کافی وائرل ہوتے ہوئے دیکھا۔

وزیرِ اعظم مودی نے ترنگا یاترا کا ذکر کرتے ہوئے کہا، آپ نے دیکھا ہوگا کہ ملک کے کئی شہروں، گاؤں اور چھوٹے چھوٹے قصبوں میں ترنگا یاترا نکالی گئی۔ ہزاروں لوگ ہاتھوں میں ترنگا لے کر ملک کی فوج کو سلام پیش کرنے نکل پڑے۔ کئی شہروں میں شہری دفاع کے رضاکار بننے کے لیے بڑی تعداد میں نوجوان یکجا ہو گئے، اور ہم نے چنڈی گڑھ کے ویڈیوز کو کافی وائرل ہوتے ہوئے دیکھا۔

وزیرِ اعظم مودی نے اپنے بیکانیر کے دورے کے دوران بچوں سے ملاقات کا بھی ذکر کیا۔ انہوں نے کہا، "میں ابھی تین دن پہلے بیکانیر گیا تھا، وہاں بچوں نے مجھے ایسی ہی ایک پینٹنگ پیش کی تھی۔

وزیرِ اعظم نے کہا، سوشل میڈیا پر نظمیں لکھی جا رہی تھیں، عہد گانے گائے جا رہے تھے، چھوٹے چھوٹے بچے پینٹنگز بنا رہے تھے جن میں بڑے پیغامات چھپے ہوئے تھے۔ میں ابھی تین دن پہلے بی کا نیر گیا تھا، وہاں بچوں نے مجھے ایسی ہی ایک پینٹنگ پیش کی تھی۔ آپریشن سندور نے ملک کے لوگوں پر اتنا اثر ڈالا ہے کہ کئی خاندانوں نے اسے اپنی زندگی کا حصہ بنا لیا ہے۔

بہار کے کٹیہار، اتر پردیش کے کشی نگر اور کئی دیگر شہروں میں اس دوران پیدا ہونے والے بچوں کا نام سندور رکھا گیا ہے۔

وزیر اعظم نریندر مودی نے اپنے ریڈیو پروگرام میں مختلف ریاستوں کے حوصلہ افزا اور متاثر کن واقعات کا ذکر کرتے ہوئے کہا کہ بس سے کہیں آنا جانا ایک عام بات لگتی ہے، لیکن میں آپ کو ایک ایسے گاؤں کے بارے میں بتانا چاہتا ہوں جہاں پہلی بار بس پہنچی۔ یہ دن وہاں کے لوگ برسوں سے انتظار کر رہے تھے۔ اور جب گاؤں میں پہلی بار بس پہنچی تو لوگوں نے ڈھول نگاڑے بجا کر اس کا استقبال کیا۔

گاؤں میں پکی سڑک موجود تھی، ضرورت تھی، لیکن یہاں کبھی بس نہیں آئی کیونکہ یہ علاقہ ماؤ نواز تشدد سے متاثر تھا۔ یہ جگہ مہاراشٹر کے ضلع گڑچیرولی میں ہے، اور اس گاؤں کا نام ہے کاتےجھری۔ اب یہاں حالات تیزی سے معمول پر آ رہے ہیں۔ ماؤ ازم کے خلاف اجتماعی جدوجہد کی بدولت اب بنیادی سہولیات ایسے علاقوں تک بھی پہنچنے لگی ہیں۔

گاؤں والوں کا کہنا ہے کہ بس کے آنے سے ان کی زندگی بہت آسان ہو جائے گی۔ وزیر اعظم نے کہا کہ میں ہم چھتیس گڑھ کے بستر اولمپکس اور ماؤ نواز علاقوں میں بننے والی سائنس لیبارٹریوں پر پہلے بھی بات کر چکے ہیں۔ یہاں کے بچوں میں سائنس کا جوش ہے اور وہ کھیلوں میں بھی شاندار کارکردگی دکھا رہے ہیں۔

یہ کوششیں ظاہر کرتی ہیں کہ ان علاقوں کے لوگ کتنے باہمت ہیں، جنہوں نے مشکلات کے باوجود اپنی زندگی سنوارنے کا راستہ چُنا۔ انہوں نے خوشی ظاہر کی کہ دنتے واڑہ ضلع نے 10ویں جماعت کے نتائج میں 95 فیصد کامیابی کے ساتھ ریاست میں پہلا مقام حاصل کیا، اور 12ویں جماعت میں چھٹا مقام حاصل کیا۔

انہوں نے کہا کہ پچھلے پانچ سالوں میں گجرات کے گر جنگلات میں شیروں کی تعداد 674 سے بڑھ کر 891 ہو گئی ہے۔ یہ بہت ہی حوصلہ افزا ہے۔ گجرات پہلا ریاست بن گیا ہے جہاں بڑے پیمانے پر خواتین کو فاریسٹ آفیسرز کے عہدے پر تعینات کیا گیا۔ وائلڈ لائف تحفظ کے لیے ہمیں ہمیشہ چوکس رہنا ہوگا۔

وزیر اعظم نے سِکم کے کرافٹیڈ فائبر برانڈ کی تعریف کی۔ انہوں نے بتایا کہ یہ صرف ایک برانڈ نہیں بلکہ سکم کی روایت، بُنائی کا ہنر اور جدید فیشن کا حسین امتزاج ہے۔ اس کی شروعات ڈاکٹر چیوانگ نوربو بھوٹیا نے کی، جو پیشے سے ویٹرنری ڈاکٹر ہیں لیکن دل سے سکم کی ثقافت کے سچے سفیر ہیں۔ انہوں نے بُنائی کو جدید فیشن سے جوڑا اور اسے ایک سماجی کاروبار میں بدل دیا۔

مقامی لوگوں کو تربیت دے کر خود کفیل بنایا۔ گاؤں کے بُنکر، مویشی پالنے والے اور سیلف ہیلپ گروپس سب کو جوڑ کر روزگار کے مواقع پیدا کیے۔ انہوں نے ایک اور متاثر کن شخصیت کا ذکر کیا — جیون جوشی، جن کی عمر 65 سال ہے اور وہ اتراکھنڈ کے ہلدوانی سے تعلق رکھتے ہیں۔ بچپن میں پولیو نے ان کے پاؤں کی طاقت چھین لی، مگر ان کے حوصلے نہیں چھین سکا۔

انہوں نے "بگٹ" نامی فن کی تخلیق کی، جس میں وہ چیڑ کے درختوں کی گری ہوئی خشک چھال سے خوبصورت فن پارے بناتے ہیں۔ یہ چھال عام طور پر بے کار سمجھی جاتی ہے، مگر ان کے ہاتھوں میں یہ ثقافتی ورثہ بن جاتی ہے۔ ان کے فن پاروں میں اتراکھنڈ کی مٹی کی خوشبو ہوتی ہے۔

وزیر اعظم مودی نے ان تمام کامیابیوں کو ایک نئے بھارت کی علامت قرار دیا، جہاں چیلنجز کے باوجود لوگ نئی راہیں چن رہے ہیں اور ترقی کی طرف بڑھ رہے ہیں۔

اس پروگرام کی ابتدا 3 اکتوبر 2014 کو ہوئی تھی۔ اسے 22 زبانوں اور 29 بولیوں کے علاوہ 11 غیر ملکی زبانوں میں بھی نشر کیا جاتا ہے، جن میں فرانسیسی، چینی، انڈونیشیائی، تبتی، برمی، بلوچی، عربی، پشتو، فارسی، دری اور سوہلی شامل ہیں۔ 'من کی بات' پروگرام کا نشر آکاشوانی کے 500 سے زائد مراکز کے ذریعے کیا جاتا ہے۔

وزیرِ اعظم نریندر مودی کے اس پروگرام کے ذریعے عوام تک اہم پیغامات پہنچانے کی کوشش کی جاتی ہے اور ملک بھر میں یکجہتی اور حب الوطنی کے جذبات کو فروغ دیا جاتا ہے۔