نئی دہلی : مہاراشٹر اسٹیٹ بورڈ نے جمعہ کے روز جماعت دہم (میٹرک) یا سیکنڈری اسکول سرٹیفکیٹ (SSC) امتحان کے نتائج کا اعلان کیا، جس میں مجموعی پاس فیصد 92.09 رہا۔ مہاراشٹر اسٹیٹ سیکنڈری اینڈ ہائر سیکنڈری ایجوکیشن بورڈ (MSBSHSE) کے مطابق، امتحان میں لڑکیوں نے لڑکوں سے بہتر کارکردگی دکھائی۔

بورڈ کے صدر تریگون کلکرنی نے بتایا کہ لڑکیوں کا مجموعی پاس فیصد 94.96 رہا جبکہ لڑکوں کا پاس فیصد 89.56 رہا۔ انہوں نے مزید بتایا کہ کونکن ڈویژن 97.62 فیصد کے ساتھ فہرست میں پہلے نمبر پر رہا، جبکہ چھترپتی سمبھاجی نگر ڈویژن 88.41 فیصد کے ساتھ سب سے نچلے مقام پر رہا۔