.jpg "تمثیلی تصویر")
کولکاتا
کلکتہ ہائی کورٹ نے منگل کے روز الیکشن کمیشن سے کہا کہ وہ ریاست میں کورونا وائرس کی دوسری لہر کو کنٹرول کرنے کے لیے مدراس ہائی کورٹ کے پیر کے روز کے فیصلے کو مکمل طور پر، ہوبہو اور سختی سے نافذ کرے.
چیف جسٹس ٹی بی رادھاکرشنن اور جسٹس اریجیت بنرجی کی بینچ نے پیر کے روز ہوئی اسمبلی الیکشن کے ساتویں مرحلے کی پولنگ سے متعلق کمیشن کی رپورٹ عدالت کے سامنے پیش کرنے کے بعد یہ انتظام دیا۔
قابل ذکر ہے کہ ریاست میں الیکشن مکمل پر امن ڈھنگ سے کروانے سے متعلق دو عرضیاں عدالت کے سامنے دائر کی گئی ہیں۔
غور طلب ہے کہ مدراس ہائی کورٹ کے چیف جسٹس سنجیو بنرجی اور جسٹس سینتھل کمار رام مورتی نے پیر کے روز وارننگ دی تھی کہ اگر الیکشن کمیشن 30 اپریل تک ووٹنگ کے لیے کورونا پروٹوکال کا بلوپرنٹ پیش نہیں کرتا ہے تو وہ دو مئی کی ووٹ شماری پر پابندی عائد کر سکتا ہے۔
مدراس ہائی کورٹ نے ملک میں کورونا کی دوسری لہر کے لیے الیکشن کمیشن کو ذمہ دار قرار دیا تھا۔
(ایجنسی ان پٹ)
