نوجیویدو/ آواز دی وائس
نوجیویدو میں واقع ہندوستانی انفارمیشن ٹیکنالوجی انسٹی ٹیوٹ (آئی آئی آئی ٹی) کے ایم ٹیک کے پہلے سال کے ایک طالب علم نے عملی امتحان میں شامل ہونے کی اجازت نہ ملنے پر کیمپس میں ایک پروفیسر پر مبینہ طور پر چاقو سے حملہ کر دیا۔ پولیس کے ایک افسر نے منگل کو یہ اطلاع دی۔
افسر نے بتایا کہ مقابلہ جاتی امتحانات کی تیاری کے لیے کلاسوں سے غیر حاضر رہنے کی وجہ سے طالب علم وِنَے کی حاضری صرف 25 فیصد تھی۔ یہ واقعہ پیر کو پیش آیا۔ پولیس ڈپٹی کمشنر کے وی وی این وی پرساد نے بتایا کہ آئی آئی آئی ٹی نوجیویدو کے ایم ٹیک کے پہلے سال کے ایک طالب علم نے عملی امتحان میں شامل ہونے سے انکار پر کیمپس کے اندر ٹرانسپورٹ ڈپارٹمنٹ کے ایک پروفیسر پر چاقو سے حملہ کر دیا۔
انہوں نے بتایا کہ ہاسٹل میں رہنے والے وِنَے کے پاس سے دو چاقو برآمد کیے گئے، جن میں سے ایک سے اس نے پروفیسر راجو پر حملہ کیا تھا۔
پولیس نے بتایا کہ زخمی پروفیسر کو اسپتال میں داخل کرا دیا گیا ہے جبکہ وِنَے کو حراست میں لے لیا گیا ہے۔ پولیس ڈپٹی کمشنر نے بتایا کہ طالب علم کو بعد میں گرفتار کر لیا گیا۔
.webp "آندھرا پردیش :طالب علم نے پروفیسر پر چاقو سے حملہ کیا")
