سری نگر: مرکزی وزیر کرن رجیجو نے منگل کو بتایا کہ ان کے قافلے سے کچھ فاصلے پر ایک گاڑی حادثاتی طور پر دریا میں جا گری، تاہم خوش قسمتی سے دونوں سوار افراد کو زندہ بچا لیا گیا۔

رجیجو نے اپنے ایک مختصر بیان میں کہا کہ یہ واقعہ دراس پہنچنے سے قبل پیش آیا۔ ان کے بقول ہمارے قافلے سے آگے ایک گاڑی اچانک دریا میں گر گئی، لیکن ہم بروقت وہاں پہنچے اور دونوں افراد کو بچا لیا گیا۔"

وزیر کے مطابق حادثے کے بعد سکیورٹی اہلکاروں نے فوری طور پر ریسکیو آپریشن شروع کیا، جس کے نتیجے میں دونوں مسافروں کی جان بچائی جا سکی۔قابل ذکر ہے کہ کرن رجیجو اس وقت لداخ کے دورے پر ہیں۔