کولکتہ/ آواز دی وائس 

مغربی بنگال میں کولکتہ کے میچواپٹی علاقے میں منگل کی رات ایک ہوٹل میں آگ لگ گئی۔ اس حادثے میں 14 افراد ہلاک اور متعدد زخمی ہو گئے ہیں۔ واقعے کی اطلاع ملتے ہی فائر بریگیڈ کی گاڑیوں نے موقع پر پہنچ کر آگ پر قابو پالیا۔ پولیس کے مطابق یہ واقعہ رات 8.15 بجے کے قریب بربازار علاقے میں واقع رتوراج ہوٹل کے احاطے میں پیش آیا۔

کولکاتا کے پولیس کمشنر منوج کمار ورما نے میڈیا سے بات کرتے ہوئے کہا کہ آگ لگنے کا واقعہ رات تقریباً 8:15 بجے رتوراج ہوٹل کے احاطے میں پیش آیا۔ ٹیموں نے 14 لاشیں نکال لی ہیں اور متعدد افراد کو بچا لیا گیا ہے۔ آگ پر قابو پا لیا گیا ہے اور امدادی کارروائیاں جاری ہیں۔ مزید تفتیش جاری ہے۔ تحقیقات کے لیے خصوصی ٹیم بھی تشکیل دے دی گئی ہے۔ انہوں نے کہا کہ آگ لگنے کی وجہ ابھی تک معلوم نہیں ہو سکی ہے۔ تاہم انہوں نے شبہ ظاہر کیا ہے کہ آگ شارٹ سرکٹ کی وجہ سے لگی ہے۔

ممتا بنرجی نے فون پر معلومات لی

مقامی ترنمول کانگریس لیڈروں کے مطابق وزیر اعلیٰ ممتا بنرجی نے فون پر واقعہ کی جانکاری لی اور کولکتہ کے میئر فرہاد حکیم کو کمشنر منوج ورما کے ساتھ موقع پر جانے کو کہا۔ مغربی بنگال کانگریس کے صدر سبھانکر سرکار نے بھی کولکتہ میونسپل کارپوریشن پر تنقید کی اور بتایا کہا یہ ایک افسوسناک واقعہ ہے۔ آگ لگ گئی۔ بہت سے لوگ اب بھی عمارت میں پھنسے ہوئے ہیں۔ وہاں کوئی سیکورٹی نہیں تھی۔ مجھے نہیں معلوم کہ میونسپل کارپوریشن کیا کر رہی ہے۔