آواز دی وائس / نئی دہلی
انڈین آرمی ڈے ہر سال 15 جنوری کو منایا جاتا ہے اور ہم اس سال 15 جنوری کو 74 واں آرمی ڈے منا رہے ہیں۔ آرمی ڈے کے موقع پر پورا ملک فوج کی لازوال جرات، بہادر سپاہیوں کی بہادری، شجاعت اور شہادت کو یاد کرتا ہے۔ اس خصوصی موقع پر آرمی کے مختلف رجیمنٹوں کی پریڈ نکالا جاتا ہے اوران تمام بہادرجنگجوؤں کوسلامی پیش کی جاتی ہے۔
انہوں نے ملک اور عوام کی فلاح و بہبود کے لیے اپنی جانوں کا نذرانہ پیش کیا۔ 15 جنوری کو اس دن کو منانے کی خاص وجہ یہ ہے کہ اس دن سال 1949 میں لیفٹیننٹ جنرل کے ایم کریپا ہندوستانی فوج کے پہلے کمانڈر انچیف بنے تھے۔ انہوں نے 15 جنوری 1949 کو برطانوی جنرل فرانسس بچر سے ہندوستانی فوج کی کمان سنبھالی۔ جنرل فرانسس بوچر ہندوستان کے آخری برطانوی کمانڈر انچیف تھے۔
صدررام ناتھ کووند نے ہفتہ کو آرمی ڈے پراپنی مبارکباد دی۔انہوں نے کہا کہ ہندوستانی فوج نے قومی سلامتی کو یقینی بنانے میں اہم کرداراداکیا ہے۔ صدرنے کہا کہ فوجیوں نےسرحدوں کی حفاظت اور امن برقرار رکھنے میں پیشہ ورانہ مہارت، قربانی اور بہادری کا مظاہرہ کیا ہے۔
آرمی ڈے پرفوج کے سپاہیوں اور سابق فوجیوں کو سلام۔ ہندوستانی فوج نے قومی سلامتی کو یقینی بنانے میں اہم کردار ادا کیا ہے۔ ہمارے فوجیوں نے سرحدوں کی حفاظت اور امن برقرار رکھنے میں پیشہ ورانہ مہارت، قربانی اور بہادری کا مظاہرہ کیا ہے۔ قوم آپ کی خدمات پر مشکور ہے۔ جے ہند!
Greetings to Army personnel and veterans on Army Day. Indian Army has been pivotal in ensuring national security. Our soldiers have displayed professionalism, sacrifice and valour in defending borders and maintaining peace. The nation is grateful for your service. Jai Hind!
— President of India (@rashtrapatibhvn) January 15, 2022
وہیں وزیر اعظم نریندر مودی نے ہفتہ کو کہا کہ ہندوستان کو بیرون ملک امن مشنوں میں فوج کے شاندار تعاون پر فخر ہے۔
وزیر اعظم نے اس بات پر بھی روشنی ڈالی کہ ہندوستانی فوج کے اہلکار دشمن علاقوں میں خدمات انجام دیتے ہیں اور انسانی بحران کے دوران ساتھی شہریوں کی مدد کرنے میں سب سے آگے ہیں۔
Best wishes on the occasion of Army Day, especially to our courageous soldiers, respected veterans and their families. The Indian Army is known for its bravery and professionalism. Words cannot do justice to the invaluable contribution of the Indian Army towards national safety. pic.twitter.com/UwvmbVD1hq
— Narendra Modi (@narendramodi) January 15, 2022
پی ایم مودی نے ٹویٹ کیا کہ ہندوستانی فوج کے اہلکار مخالف علاقوں میں خدمات انجام دیتے ہیں اور قدرتی آفات سمیت انسانی بحران کے دوران ساتھی شہریوں کی مدد کرنے میں سب سے آگے ہیں۔
آرمی ڈے ہر سال 15 جنوری کو ہندوستانی فوج کے پہلے ہندوستانی کمانڈر انچیف فیلڈ مارشل کوڈانڈیرا ایم کیریپا کی یاد میں منایا جاتا ہے۔
