نئی دہلی:کانگریس نے جموں و کشمیر کے کلگام میں اینٹ بھٹے پر کام کرنے والے دو مزدوروں کے قتل کی سخت مذمت کرتے ہوئے اسے گھناؤنا اور انسانیت کے خلاف جرم قرار دیا ہے اور مطالبہ کیا ہے کہ مجرموں کے خلاف فوری اور سخت کارروائی کی جائے۔
لوک سبھا میں قائدِ حزبِ اختلاف راہل گاندھی نے حملے کی مذمت کرتے ہوئے کہا کہ کلگام میں ہونے والے بزدلانہ دہشت گرد حملے میں ملک کے دو مزدوروں کا قتل انتہائی افسوسناک ہے۔ انہوں نے سوشل میڈیا پلیٹ فارم ایکس پر ایک پوسٹ میں سوگوار خاندانوں سے تعزیت کا اظہار کرتے ہوئے کہا کہ اس بزدلانہ حملے کے ذمہ دار دہشت گردوں کے خلاف سخت کارروائی کی جائے اور انہیں سخت ترین سزا دی جائے۔
راہل گاندھی نے کہا کہ دہشت گردی کے خلاف پورا ملک متحد ہے۔ کانگریس صدر ملکارجن کھرگے نے بھی ایکس پر اپنے بیان میں کہا کہ کلگام میں ہونے والا بزدلانہ دہشت گرد حملہ انتہائی قابلِ مذمت ہے اور انسانیت کو شرمسار کرنے والا واقعہ ہے۔ انہوں نے کہا، "دو بے گناہ مزدوروں کی شناخت پوچھ کر ان کا بے رحمی سے قتل کرنا دہشت گردی کی سفاک ذہنیت کی گھناؤنی مثال ہے، جس کی جتنی بھی مذمت کی جائے کم ہے۔"
کھرگے نے سوگوار خاندانوں سے گہری ہمدردی کا اظہار کرتے ہوئے مطالبہ کیا کہ مجرموں کے خلاف فوری اور سخت قانونی کارروائی کی جائے اور انہیں قانون کے مطابق سخت ترین سزا دی جائے۔ کانگریس کی جنرل سکریٹری پرینکا گاندھی واڈرا نے بھی ایکس پر لکھا کہ کلگام میں ہونے والا بزدلانہ دہشت گرد حملہ انتہائی شرمناک اور قابلِ مذمت ہے۔ اینٹ بھٹے پر کام کرنے والے دو مزدوروں کی شناخت پوچھ کر انہیں قتل کرنا نہایت گھناؤنا اور انسانیت کے خلاف جرم ہے۔
انہوں نے کہا کہ پورا ملک متاثرہ خاندانوں کے ساتھ کھڑا ہے اور دہشت گردوں کو جلد از جلد گرفتار کرکے سخت ترین سزا دی جانی چاہیے۔ واضح رہے کہ جمعہ کی شام جنوبی کشمیر کے کیلم علاقے میں واقع ایک اینٹ بھٹے پر دہشت گردوں نے حملہ کرکے چھتیس گڑھ سے تعلق رکھنے والے دو مزدوروں کو ہلاک کر دیا تھا۔
حکام کے مطابق حملہ آوروں نے مزدوروں کو نشانہ بنا کر فائرنگ کی تھی۔ کانگریس کی جنرل سکریٹری پرینکا گاندھی واڈرا نے جموں و کشمیر کے کلگام میں اینٹ بھٹے پر کام کرنے والے دو مزدوروں کے قتل کی سخت مذمت کرتے ہوئے اسے ایک گھناؤنا اور انسانیت سوز عمل قرار دیا ہے۔ انہوں نے اس واقعے کے ذمہ داروں کے خلاف سخت کارروائی کا مطالبہ بھی کیا۔ پرینکا گاندھی نے سوشل میڈیا پلیٹ فارم ایکس پر لکھا، "کلگام (جموں و کشمیر) میں ہونے والا بزدلانہ دہشت گردانہ حملہ انتہائی شرمناک اور قابلِ مذمت ہے۔ اینٹ بھٹے پر کام کرنے والے دو مزدوروں کی شناخت پوچھ کر انہیں قتل کرنا نہایت گھناؤنا اور انسانیت کے خلاف جرم ہے۔
اس کی جتنی بھی مذمت کی جائے، کم ہے۔" انہوں نے مزید کہا، "پورا ملک متاثرہ خاندانوں کے ساتھ کھڑا ہے۔ اس معاملے میں فوری کارروائی کرتے ہوئے دہشت گردوں کو سخت سے سخت سزا دی جانی چاہیے۔" واضح رہے کہ جموں و کشمیر کے کلگام ضلع میں ایک اینٹ بھٹے پر ہونے والے دہشت گرد حملے میں چھتیس گڑھ سے تعلق رکھنے والے دو مزدور ہلاک ہو گئے۔ حکام کے مطابق حملہ آوروں نے جمعہ کی شام جنوبی کشمیر کے کیلم علاقے میں واقع اینٹ بھٹے پر کام کرنے والے مزدوروں کو نشانہ بنایا۔
