ترواننت پورم: کیرلا کی پوتھوپلی اسمبلی نشست سے کانگریس کے امیدوار چانڈی اومن نے پیر کے روز شاندار کامیابی حاصل کرتے ہوئے 52,907 ووٹوں کے بڑے فرق سے انتخابات جیت لیے۔ چانڈی اومن، کیرلا کے سابق وزیر اعلیٰ مرحوم اومن چانڈی کے بیٹے ہیں۔

کیرلا میں اسمبلی انتخابات کے لیے 9 اپریل کو ووٹنگ ہوئی تھی۔ الیکشن کمیشن کے مطابق چانڈی اومن نے مجموعی طور پر 84,031 ووٹ حاصل کیے، جبکہ ان کے مدمقابل مارکسسٹ کمیونسٹ پارٹی (سی پی آئی ایم) کے امیدوار کے۔

ایم۔ رادھا کرشنن نے 31,124 ووٹ حاصل کیے۔ ان کی انتخابی مہم بھی خاصی توجہ کا مرکز رہی، جس میں انہوں نے پلاسٹک بینرز اور فلیکس بورڈز کے استعمال سے گریز کیا اور سائیکل پر گھر گھر جا کر ووٹروں سے رابطہ کیا۔