نئی دہلی: آسام میں شدید سیلاب سے ہونے والی تباہی کے درمیان بالی ووڈ اداکار کارتک آریان نے امدادی سرگرمیوں کے لیے وزیراعلیٰ ریلیف فنڈ میں ایک کروڑ روپے کا عطیہ دیا ہے۔ آسام میں 19 جولائی سے جاری سیلاب نے بڑے پیمانے پر تباہی مچائی ہے۔

وزیراعلیٰ کے دفتر نے جمعرات کی شب سوشل میڈیا پلیٹ فارم ایکس پر جاری ایک پوسٹ میں کہا، "وزیراعلیٰ ریلیف فنڈ میں ایک کروڑ روپے کے عطیے پر اداکار کارتک آریان کا شکریہ۔ وزیراعلیٰ ڈاکٹر ہمنتا بسوا شرما نے ریاست میں امدادی کارروائیوں کے لیے ان کے اس قابلِ ستائش اور بروقت تعاون کی تعریف کی ہے۔

" اس پوسٹ کو وزیراعلیٰ ہمنتا بسوا شرما نے بھی دوبارہ شیئر کیا۔ انہوں نے کہا، "کارتک آریان، آپ کے اس تعاون سے مجھے بے حد خوشی ہوئی ہے۔ آپ کی یہ مدد آسام کے عوام کی امداد میں بہت مفید ثابت ہوگی۔" ریاست کے گولاگھاٹ، شیوساگر، وشوناتھ، چرائدیو، کامروپ (میٹروپولیٹن)، جورہاٹ، دھیم جی اور نوگاؤں سمیت آٹھ اضلاع کے 21 ریونیو سرکل اور 437 دیہات اس وقت سیلاب سے متاثر ہیں۔