آواز دی وائس : نئی دہلی
کرناٹک کے شہر گلبرگہ کے ایک گاؤں کے متین جمادار نے کامیابی کا نیا ریکارڈ قائم کردیا۔ متین نے ریاست کے پری یونیورسٹی کورس (پی یو سی / انٹرمیڈیٹ) امتحان میں 600 میں سے 600 نمبر حاصل کرکے تاریخ رقم کی ہے۔ متین جمدار کی اس کامیابی نے نہ صرف ان کے کنبہ بلکہ ریاست اور معاشرے کو بھی فخر سے دوچار کردیا ہے۔
اس سے قبل سال 2018 ایس ایس ایل سی امتحان میں ، متین نے 625 میں سے 619 نمبر حاصل کیے تھے۔
متین کے والد معمار ہیں
متین جمدار کے والد نبی صائب جمادار ایک راج مستری ہیں۔متین نے ریاست کرناٹک میں کامیابی کا انوکھا ریکارڈ قائم کیا ہے۔ وہ اپنے گاؤں کی ایک کچی آبادی میں رہتے ہیں۔ بیٹے کی اس کامیابی نے اس کی جھگی کو چار چاند ب لگا دئیے ہیں ۔
ان کی کامیابی کو بہت ساری ممتاز شخصیات نے سراہا ہے۔ انھیں مبارکباد دینے والوں میں کرناٹک حکومت کے عہدیدار بھی شامل تھے۔
چیف سکریٹری ریونیو ، کرناٹک حکومت ، محمد محسن نے ٹویٹ کرکے متین کو مبارکباد دی ہے۔ اپنے ٹویٹ میں ، انہوں نے لکھا کہ گلبرگہ کے "ایک راج مستری کا قابل فخر بیٹا" نے اپنے نمبروں کے لئے ایک ریکارڈ قائم کیا ہے۔ مبارک ہو۔ نہ صرف یہ بلکہ کرناٹک کے اقلیتی بہبود کمیشن کے سربراہ نے بھی متین کی کامیابی پر مبارکباد دی ہے۔۔
ڈائریکٹوریٹ نے ٹویٹر پر لکھا ، "پی یو سی امتحان میں 100٪ نمبر حاصل کرنے پر ہمیں متین جمادار پر فخر ہے۔ ہمارا محکمہ ایسے مثالی طلباء کو اعلی تعلیم کے بہتر مواقع فراہم کرنے اور روشن مستقبل بنانے کے لیے اسکالرشپ فراہم کر رہا ہے۔
600/600 Marks , Meet the one of the Topper of Karnataka PUC Mateen Jamadar S/o Nabisaab Jamadar of Manur Village Gulbarga.The proud son of poor Mason from Gulbarga has made a record of his marks as he has also scored 619/625 , in the 2018 SSLC Exams. Congratulations.👏👏👏👏👏 pic.twitter.com/TfUESZqgKa
— Mohammad Mohsin I.A.S (@mmiask) July 24, 2021