نئی دہلی: پاکستان کے سابق کپتان اور وزیراعظم عمران خان کی جیل میں خراب ہوتی صحت کے حوالے سے 14 سابق کرکٹرز نے حکومتِ پاکستان کو خط لکھا ہے۔ انہوں نے موجودہ وزیرِ اعظم شہباز شریف سے مطالبہ کیا ہے کہ عمران خان کو جیل میں مناسب طبی سہولیات فراہم کی جائیں۔

عمران خان کو جیل میں 800 دن سے زیادہ کا عرصہ گزر چکا ہے اور ان کی صحت مسلسل خراب ہو رہی ہے، جس کی وجہ سے جیل میں ان کے ساتھ سلوک پر سوالات اور تشویش بڑھ گئی ہے۔ بتایا گیا ہے کہ عمران خان کی بہن علیمہ خانم نے بھی جیل میں اپنے بھائی کے ساتھ کیے جانے والے سلوک اور ان کی بگڑتی ہوئی صحت کے خلاف آواز بلند کی تھی۔

رپورٹ کے مطابق اس خط پر بیلنڈا کلارک، گریگ چیپل، مائیکل ایتھرٹن، سنیل گاوسکر، کپیل دیو، ناصر حسین، ایان چیپل، مائیکل بریئرلی، ایلن بارڈر، ڈیوڈ گوور، کم ہیوجز، کلاؤڈ لوئڈ، اسٹیو وا اور جان رائٹ نے دستخط کیے ہیں۔