بھوپال: جہاں ایک طرف بڑی مسلم تنظیموں اور جماعتوں کی جانب سے مسلمانوں میں غیر شرعی اور غیر اسلامی رسم و رواج کو ختم کرنے کے لئے اصلاح معاشرہ مہم سلسلہ جاری ہے- وہیں دوسری طرف بھوپال کے دارالافتا و دار القضاء مساجد کمیٹی نے 25 فروری کو ایک اعلان جاری کیا ہے جس میں قاضی شہر سید مشتاق علی صاھب نے کہا کہ علما کرام کے مشورے سے یہ طے کیا گیا ہے کہ جس شادی و نکاح میں ناچ گانا و بینڈ باجا و ڈی جے بجے گا اور آتش بازی ہوگی اور پردے کا اہتمام نہیں ہوگا، فضول خرچی ہوگی اور بے جا رسم و رواج ہوں گے وہاں قاضی نکاح خواں نکاح نہیں پڑھائیں گے۔

اسی کے ساتھ مسلمانوں سے اپیل کی گیئ ہے کہ وہ ایسی شادیوں میں شرکت نہ کریں۔