جموں/ آواز دی وائس
جموں و کشمیر کے ضلع سانبہ میں گرو گرنتھ صاحب کی بے حرمتی کے الزام میں پولیس نے بدھ کے روز ایک شخص کو گرفتار کیا۔ پولیس کے ایک افسر کے مطابق، رام گڑھ کے کول پور گاؤں کے رہائشی منجیت سنگھ عرف بلّا نے منگل کی رات مبینہ طور پر کسی جلنے والے تیل سے مقدس گرنتھ کو آگ لگا دی، جس کے بعد سکھ برادری نے بڑے پیمانے پر احتجاج کیا۔
افسر نے بتایا کہ پولیس نے متعلقہ دفعات کے تحت مقدمہ درج کرنے کے بعد ملزم کو گرفتار کر لیا ہے۔ معاملے کی مزید تحقیقات جاری ہیں۔
