اڑی: جموں و کشمیر کے اُڑی میں سکیورٹی فورسز اور دہشت گردوں کے درمیان جھڑپ میں فوج کا ایک جوان شہید ہو گیا۔ اطلاعات کے مطابق پاکستان کی جانب سے دراندازی کی کوشش کی جا رہی تھی۔ فوجی ذرائع کے مطابق 12 اگست کی رات گئے دراندازوں نے ہندوستان میں داخل ہونے کی کوشش کی۔

یہ ایک عام دراندازی کی کوشش سے مختلف تھی کیونکہ جیسے ہی درانداز ہندوستان کی سرحد میں داخل ہو رہے تھے، پاکستانی فوج کی طرف سے فائرنگ کی جا رہی تھی تاکہ فائرنگ کی آڑ میں پاکستانی دراندازی کر سکیں۔ اس طرح کی دراندازی کی کوشش عام طور پر پاکستانی فوج کی بارڈر ایکشن ٹیم (BAT) کی مدد سے کی جاتی ہے۔ جیسے ہی ہندوستانی فوجیوں نے دراندازی کی کوشش کا جواب دیا تو فائرنگ شروع ہو گئی اور ایک فوجی زخمی ہو گیا۔

دراندازی کی کوشش ناکام بنا دی گئی، لیکن درانداز خراب موسم کا فائدہ اٹھا کر فرار ہو گئے۔ پہلگام حملے کے بعد ہندوستان نے پاکستان کو منہ توڑ جواب دیا تھا۔ آپریشن ’’سندور‘‘ کے دوران پاکستان، ہندوستان کے سامنے جنگ بندی کے لیے گڑگڑایا تھا تب ہندوستان نے حملے روکے تھے، لیکن پاکستان ایک بار پھر اپنی پرانی حرکتوں کو دہرانے لگا ہے۔