نئی دہلی: لوک سبھا میں بجٹ پر بحث کے دوران اپوزیشن لیڈر راہول گاندھی اور صدرِ اجلاس کے درمیان ہلکی پھلکی نوک جھونک دیکھنے کو ملی، جب کانگریس کے سابق صدر نے جگدمبیکا پال کے ماضی میں ان کی پارٹی کے رکن ہونے کا ذکر کیا۔

پال نے اپوزیشن لیڈر سے کہا کہ آپ اس لیے اپوزیشن میں بیٹھے ہیں کیونکہ میری نصیحت نہیں مانی، لیکن ابھی وقت ہے اور آپ کو صحیح راستہ اختیار کرنا چاہیے۔ راہول گاندھی نے بجٹ پر اپنی بات رکھتے ہوئے پال کے سیاسی ماضی کا مختصر ذکر کیا اور کہا، مجھے معلوم ہے کہ آپ کا دل وہاں (بی جے پی کی طرف) نہیں ہے۔

اس پر پال نے کہا، اگر آپ میری بات مان لیتے تو آج وہاں نہیں بیٹھے ہوتے۔ آج آپ وہاں اس لیے بیٹھے ہیں کیونکہ آپ نے میری نصیحت نہیں مانی۔ میں آپ کو نصیحت کر رہا ہوں کہ آپ صحیح راستہ اختیار کریں، آپ کے پاس ابھی بھی وقت ہے۔