سراج انور/پٹنہ
ایران کے روحانی پیشوا علی خامنہ ای کے نمائندے مولانا سید علی زادہ نے عالم اسلام میں انتشار پر بے چینی کا اظہار کرنے کے ساتھ ساتھ ہندوستان کو بہترین ملک قرار دیا ہے۔ایرانی سفارتخانے کا ایک وفد ان دنوں بہار کا دورہ کر رہا ہے۔ان کا پرتپاک استقبال کیا گیا۔ خانقاہ شاہ حضرت دیوان شاہ ارزانی میں منعقد ہوا۔
وفد میں کون کون لوگ ہیں۔ ایران کے روحانی پیشوا علی خامنہ ای کے نمائندے مولانا سید علی زادہ، ایرانی سفارتخانے کے ترجمان مولانا صادق حسین، مولانا عارف اور مدرسہ سلیمانیہ پٹنہ سٹی کے پرنسپل مولانا امانت حسین وفد میں شامل ہیں۔ وفدنے قدیم خانقاہ دیوان شاہ ارزانی کا دورہ کیا ۔ پٹنہ وفد کا استقبال خانقاہ کے سجادہ نشین ڈاکٹر سید شاہ حسین نے کیا اور ان کے اعزاز میں ایک پروگرام بھی منعقد کیا گیا۔
خامنہ ای کے نمائندوں نے کیا کہا؟
مولانا سید علی زادہ نے کہا کہ اس قدیم خانقاہ میں آکر بہت خوشی ہوئی۔ یہاں پر جو عزت افزائی کی گئی اس پر میں سجادنشیں ڈاکٹر سید حسین احمد کا شکریہ ادا کرتا ہوں، انہوں نے کہا کہ پڑوسی ملک پاکستان کا یہ حال ہے کہ مسلمان برداشت کرنے کو تیار نہیں۔ وہاں کے مسلمان۔جبکہ ہندوستان میں مختلف قسم کے لوگ مل جل کر زندگی گزار رہے ہیں۔
مولانا سید علی زادہ نے کہا کہ ہم صرف اتحاد کا نعرہ لگاتے ہیں لیکن دل سے اتحاد نہیں چاہتے۔عالم اسلام میں سب سے بڑی خرابی کی طرف اشارہ کرتے ہوئے انہوں نے کہا کہ ہم باہمی اتحاد سے بہت دور ہیں حالات ہمیں متحد ہونے کی دعوت دیتے ہیں اگر ہم اکٹھے ہو جائیں تو تمام مسائل حل ہو جائیں گے۔اس موقع پر سینئر صحافی ریحان غنی، ایس ایم شمیم رضوی ودیگر موجود تھے۔
