وشاکھاپٹنم/نئی دہلی 

وزیر اعظم نریندر مودی نے وشاکھاپٹنم میں یوگا کے عالمی دن کی مرکزی تقریب سے خطاب کرتے ہوئے دنیا بھر کے عوام سے اپیل کی کہ وہ یوگا کو ایک عالمی عوامی تحریک میں تبدیل کریں جو امن، صحت اور ہم آہنگی کی علامت ہو۔ انہوں نے کہا کہ "یوگا کو جدید سائنسی تحقیق کے ذریعے فروغ دینے کی کوششیں جاری ہیں تاکہ اسے دنیا کے جدید طبی نظام میں شامل کیا جا سکے۔وزیراعظم نے کہا کہ نیشنل آیوروید مشن کے ذریعے یوگا اور ویلنیس کے پیغام کو عام کرنے کے لئے ڈیجیٹل ٹیکنالوجی کی مدد بھی لی جا رہی ہے۔ انہوں نے دنیا کو یہ پیغام دیا کہ "آئیے یوگا کو ایسی تحریک بنائیں جو ہر شخص کے دن کا آغاز ہو، ہر معاشرے کو تناؤ سے آزاد کرے، اور انسانیت کو ایک دھاگے میں پرو دے۔"

اس موقع پر آندھرا پردیش کے گورنر سید عبدالنذیر، وزیراعلیٰ چندرابابو نائیڈو، مرکزی وزراء اور دیگر معززین نے بھی وزیر اعظم کے ساتھ یوگا کی مشق میں حصہ لیا۔

Yoga isn't just an exercise. It is a way of life. Wonderful to join this year's Yoga Day celebrations in Visakhapatnam. https://t.co/ReTJ0Ju2sN

— Narendra Modi (@narendramodi) June 21, 2025

یوگا دنیا کو جوڑنے والا عالمی ورثہ بن چکا ہے: مودی

وزیر اعظم مودی نے کہا کہ یوگا کا مطلب جوڑنا ہے اور یہ دیکھ کر خوشی ہوتی ہے کہ آج یوگا پوری دنیا کو جوڑنے والا ذریعہ بن چکا ہے۔ انہوں نے بتایا کہ ہندوستان کی پیش کردہ تجویز کی حمایت میں اقوام متحدہ میں 175 ممالک نے ووٹ دیا تھا، جو عالمی سطح پر یکجہتی کی شاندار مثال ہے۔وزیر اعظم نے مزید کہا کہ یوگا آج کروڑوں انسانوں کی طرز زندگی بن چکا ہے اور یہاں تک کہ بریل رسم الخط میں بھی یوگا کی تعلیم دی جا رہی ہے۔ پوری دنیا میں 11ویں عالمی یوگا ڈے کے موقع پر مختلف تقریبات منعقد کی جا رہی ہیں۔

ପେଟ୍ରୋ କେମିକାଲ୍ସ ଠାରୁ ଆରମ୍ଭ କରି ବୟନଶିଳ୍ପ ପର୍ଯ୍ୟନ୍ତ ଓଡ଼ିଶାକୁ ଏକ ବଡ଼ ଶିଳ୍ପ ରାଜ୍ୟ ରୂପରେ ପ୍ରତିଷ୍ଠା କରିବା ଦିଗରେ ଆମେ ନିରନ୍ତର ପ୍ରୟାସ କରୁଛୁ । pic.twitter.com/Ln4HDUeA8K

— Narendra Modi (@narendramodi) June 20, 2025

یوگا پوری انسانیت کا مشترکہ ورثہ ہے: صدر جمہوریہ دروپدی مرمر

ہرادون، میں یوگا کے عالمی دن کے موقع پر صدر جمہوریہ دروپدی مرمو نے دہرادون کے پولیس لائنز گراؤنڈ میں یوگا کی مشق کی۔ اس موقع پر خطاب کرتے ہوئے انہوں نے کہا کہ "اتراکھنڈ کا علاقہ صدیوں سے یوگا اور روحانی روایات کا مرکز رہا ہے، اور ہم دعا کرتے ہیں کہ یوگا کے ذریعے دنیا بھر کے لوگ صحت مند اور خوش حال زندگی گزاریں۔"

صدر جمہوریہ نے کہا کہ یوگا جسم، ذہن اور روح کو جوڑنے کا ذریعہ ہے اور اسی طرح افراد، برادریوں اور قوموں کو بھی ایک دوسرے سے جوڑنے میں مددگار ہے۔ انہوں نے اس سال کے یوگا ڈے کی تھیم "ایک کرہ ارض، ایک صحت" کی اہمیت پر روشنی ڈالتے ہوئے کہا کہ ہندوستان کی پہل پر عالمی سطح پر یوگا کی مقبولیت میں اضافہ ہوا ہے۔

عالمی برادری یوگا کے فوائد سے مستفید ہو رہی ہے: مرمو

صدر مرمو نے کہا کہ اقوام متحدہ کی جنرل اسمبلی نے بھی 21 جون کو عالمی یوگا ڈے کے طور پر منانے کی منظوری دی اور تسلیم کیا کہ یوگا عالمی صحت کے لیے ایک مفید ذریعہ ہے۔ اس موقع پر اتراکھنڈ کے گورنر لیفٹیننٹ جنرل (ریٹائرڈ) گرمیت سنگھ، ریاستی وزراء، افسران، طلبہ اور مقامی افراد نے بھی یوگا کی مشق میں حصہ لیا۔