اجمیر،:حضرت خواجہ معین الدین حسن چشتیؒ کے درگاہ شریف کے سجادہ نشین اور چشتی فاؤنڈیشن کے چیئرمین حاجی سید سلمان چشتی نے مہنت گرسمرا سنگھ مند جی، شری نیرنجنی اکھاڑا ہری دوار کے قومی ترجمان اور انٹرنیشنل اینٹی خالصتانی ٹیررسٹ فرنٹ کے صدر، اور ان کے ساتھ پنجاب سے آنے والے بین المذاہب وفد کا استقبال کیا۔
وفد میں سنچت ملہوترا، قومی جنرل سیکریٹری (انٹرنیشنل اینٹی خالصتانی ٹیررسٹ فرنٹ)، مکیش کمار (گوتَم)، منیش دت اور بھوجوت سنگھ شامل تھے۔ ان کا استقبال سید مہرج چشتی، سید اسد چشتی، سید روبل چشتی اور سید امان چشتی نے بھی کیا۔اس موقع پر پنجاب، اتراکھنڈ اور ہماچل پردیش کے سیلاب متاثرہ خاندانوں کے لیے امن، ہم آہنگی اور ریلیف کی دلی دعائیں کی گئیں۔
اس موقع پر حاجی سید سلمان چشتی نے کہاکہ اجمیر شریف ہمیشہ سب کے لیے غیر مشروط محبت اور اتحاد کی روشن علامت رہا ہے۔ آج اپنے بین المذاہب بھائیوں اور روحانی رہنماؤں کے ساتھ مل کر ہم نے شفا، ہمدردی اور سبھی طبقات کے درمیان رشتوں کو مزید مضبوط کرنے کے لیے دعا کی ہے۔”
مہنت گرسمرا سنگھ مند جی نے کہاکہ خواجہ غریب نوازؒ کا یہ مقدس آستانہ ہم آہنگی کی زندہ علامت ہے۔ ہماری آج کی مشترکہ دعا اس بات کی پھر سے تصدیق کرتی ہے کہ بھارت کی سب سے بڑی طاقت اس کی ‘وحدت میں کثرت’ ہے۔اجمیر شریف میں یہ بین المذاہب اجتماع ایک بار پھر اس صوفی آستانے کے امن، شمولیت اور روحانی یکجہتی کے مرکز ہونے کے لازوال کردار کو اجاگر کرتا ہے۔
