پونے/ آواز دی وائس
مہاراشٹر کے پونے ضلع میں جمعہ کو ریاستی ٹرانسپورٹ کی دو بسوں کے تصادم میں کم از کم 12 افراد زخمی ہوگئے۔ پولیس نے یہ اطلاع دی۔ ایک افسر نے بتایا کہ یہ حادثہ صبح تقریباً نو بجے مُلشی تعلقہ کے چچاولی گاؤں کے قریب پیش آیا۔
انہوں نے بتایا کہ شری وردھن سے بیڑ جا رہی ایک بس کے بریک فیل ہوگئے اور جب ڈرائیور نے بس کو سڑک کے کنارے موڑنے کی کوشش کی تو وہ رائےگڑھ ضلع کے کھڑ کی طرف جا رہی دوسری بس سے ٹکرا گئی۔
افسر نے مزید بتایا کہ حادثے میں 12 مسافر زخمی ہوئے ہیں، جنہیں پوڈ کے دیہی اسپتال میں داخل کرایا گیا ہے۔
