آواز دی وائس، نئی دہلی

 ہندوستان اگلے مہینے سے دوسرے ممالک کو کورونا ویکسین کی خوراک کی سپلائی دوبارہ شروع کرے گا۔

مرکزی وزیر صحت منسوکھ مانڈاویہ نے کہا کہ ویکسین دوستی کے تحت سپلائی اکتوبر سے دوبارہ شروع کی جائے گی۔

ہندوستان کووایکس پروگرام کے تحت ویکسین کی فراہمی سے دنیا کو کورونا کے خلاف مل کر لڑنے میں مدد ملے گی۔

مانڈاویہ نے کہا کہ اگلے مہینے یعنی اکتوبر میں ملک کو ویکسین کی 300 ملین خوراکیں ملیں گی۔ اس کے ساتھ ، ہندوستان کے پاس اگلے 90 دنوں میں 100 کروڑ ویکسینوں کا اسٹاک ہوگا۔

اگر سب کچھ ٹھیک ہو گیا تو ہندوستان اکتوبر نومبر میں ویکسین فرینڈ شپ کے تحت ویکسین فراہم کرنے کی پوزیشن میں ہو جائے گا۔

انہوں نے کہا کہ یہ سب ملک کی ضروریات کو پورا کرنے کے بعد ہی کیا جائے گا۔ ہماری سب سے بڑی ترجیح اپنے شہریوں کو ویکسین دینا ہے۔ تب ہی ملک سے باہر ویکسین کی فراہمی کے بارے میں سوچا جائے گا۔