نئی دہلی: ہندوستان کی ای کامرس مارکیٹ 2024 کے 125 ارب ڈالر سے تقریباً تین گنا بڑھ کر 2030 تک 345 ارب ڈالر تک پہنچ سکتی ہے۔ بدھ کو جاری ایک رپورٹ میں کہا گیا ہے کہ کوئیک کامرس کی تیز رفتار توسیع اور مصنوعی ذہانت (اے آئی) کے بڑھتے استعمال سے اس شعبے کو مزید رفتار ملے گی۔

تحقیقی مشاورتی کمپنی انفِسم کی رپورٹ کے مطابق، 2030 تک ای کامرس مارکیٹ میں سالانہ 18.4 فیصد کی شرح سے اضافہ متوقع ہے۔ رپورٹ کے مطابق، سامان کی تیز تر ڈیلیوری کی بڑھتی ہوئی مانگ پوری کرنے کے لیے ملک میں ڈارک اسٹورز کی تعداد 2025 کے 2,525 سے بڑھ کر 2030 تک تقریباً 7,500 ہوسکتی ہے۔

انفِسم نے کہا کہ کوئیک کامرس، یعنی انتہائی کم وقت میں سامان پہنچانے کی سہولت، ہندوستان کے ای کامرس شعبے کا سب سے تیزی سے ترقی کرنے والا حصہ ہے۔ 2030 تک اس کی مارکیٹ 65 سے 70 ارب ڈالر تک پہنچنے کا اندازہ ہے۔ آئندہ پانچ برسوں میں آن لائن ریٹیل فروخت میں ہونے والے اضافی اضافے میں کوئیک کامرس کی حصہ داری 45 سے 50 فیصد رہ سکتی ہے۔