نئی دہلی/ آواز دی وائس
گریٹر نوئیڈا میں یوپی انٹرنیشنل ٹریڈ شو کے افتتاح پر وزیر اعظم نریندر مودی نے کہا کہ اس بار ٹریڈ شو کا کنٹری پارٹنر روس ہے، یعنی ہم اس بار اپنی وقت کی کسوٹی پر کھری اتری شراکت داری کو مزید مضبوط کر رہے ہیں۔ آج ہم سب کے رہنما پنڈت دین دیال جی کی جینتی ہے۔ دین دیال جی نے ہمیں "انتودیا" کا راستہ دکھایا تھا۔انتودیا یعنی جو سب سے آخر میں ہے اس کا ادے۔ غریب سے غریب آدمی تک ترقی پہنچے اور ہر طرح کا بھید بھاؤ ختم ہو، یہی انتودیاہے۔
وزیر اعظم نے کہا کہ انتودیا میں ہی سماجی انصاف کا احساس پوشیدہ ہے۔ آج ترقی کا یہی ماڈل ہندوستان دنیا کو دے رہا ہے۔وزیر اعظم مودی نے کہا کہ ساتھیوں! میں آپ کو ایک مثال دیتا ہوں۔ آج دنیا میں ہمارے فِن ٹیک سیکٹر کی بہت چرچا ہے۔ اس فِن ٹیک سیکٹر کی سب سے خاص بات یہ ہے کہ اس نے شمولیتی ترقی کو بہت طاقت دی ہے۔ ہندوستان نے ایسے اوپن پلیٹ فارم بنائے، جو سب کو ساتھ لے کر چلتے ہیں۔ یو پی آئی، آدھار، ڈیجی لاکر، او این ڈی سی... یہ سب کو موقع فراہم کر رہے ہیں۔ یعنی پلیٹ فارم فار آل، پروگریس فار آل۔ آج ہندوستان میں اس کا اثر ہر جگہ نظر آتا ہے۔ مال میں خریداری کرنے والا بھی یو پی آئی استعمال کرتا ہے اور سڑک پر چائے بیچنے والا بھی یو پی آئی کا استعمال کرتا ہے۔ ہمارا ایم ایس ایم ای بھی ترقی کر رہا ہے۔ دنیا میں آنے والی مختلف رکاوٹوں کے بیچ بھی آگے بڑھ رہا ہے۔ ہمارا عزم اور منتر ہے آتم نربھر ہندوستان۔
وزیر اعظم مودی نے کہا کہ دوسروں پر منحصر ہونے سے بڑی مجبوری کوئی اور نہیں ہو سکتی۔ بدلتی ہوئی دنیا میں جو ملک جتنا زیادہ دوسروں پر انحصار کرے گا، اس کی ترقی اتنی ہی سمجھوتے والی ہوگی۔ اس لیے ہندوستان جیسے ملک کے لیے اب کسی پر بھی منحصر رہنا قبول نہیں ہے۔ اس لیے ہندوستان کو خود کفیل بنانا ہی ہوگا۔ ہر وہ پروڈکٹ جو ہم ہندوستان میں بنا سکتے ہیں، وہ ہمیں ہندوستان میں ہی بنانا ہے۔ آج یہاں میرے سامنے اتنی بڑی تعداد میں صنعت کار، تاجر اور انٹرپرینیورز موجود ہیں، آپ سب اس آتم نربھر ہندوستان کے مشن کے بڑے اسٹیک ہولڈرز ہیں۔ میرا آج آپ سب سے یہ درخواست ہے کہ اپنا بزنس ماڈل ایسا بنائیے جو آتم نربھر ہندوستان کو مضبوطی دے۔
آج حکومت میک ان انڈیا اور مینوفیکچرنگ پر بہت زور دے رہی ہے۔ ہم "چِپ سے شِپ" تک سب کچھ ہندوستان میں بنانا چاہتے ہیں۔ آپ کے "ایز آف ڈوئنگ" پر بھی ہم کام کر رہے ہیں۔ حکومت نے 40,000 سے زیادہ کمپلائنسز ختم کر دیے ہیں۔
