نئی دہلی/ آواز دی وائس
ہندوستان اور بھوٹان کے درمیان ریل کنیکٹیویٹی کو مضبوط بنانے کے لیے حکومت نے دو بڑے منصوبوں کی منظوری دی ہے، جن پر کل 4,033 کروڑ روپے خرچ ہوں گے۔ پہلا منصوبہ کوکرا جھار (آسام) سے گالیفو (بھوٹان) تک نئی ریلوے لائن بچھانے کا ہے۔
اس کی لمبائی 69 کلومیٹر ہوگی اور اس پر 3,456 کروڑ روپے خرچ ہوں گے۔ دوسرا منصوبہ بنرہاٹ (ہندوستان) سے سماتسے (بھوٹان) تک 20 کلومیٹر لمبی نئی ریلوے لائن بچھانے کا ہے۔ اس پر 577 کروڑ روپے خرچ ہوں گے۔ ان دونوں ریلوے لائنوں کے بننے سے ہندوستان-بھوٹان کے درمیان رابطہ مزید مضبوط ہوگا۔ دونوں ملکوں کے درمیان تجارت اور سیاحت کو نئی رفتار ملے گی اور سرحدی علاقوں کے عوام کو بھی بڑا فائدہ ہوگا۔
ہندوستان-بھوٹان کے تعلقات مزید مضبوط ہوں گے
اشونی ویشنو نے کہا کہ ہندوستان اور بھوٹان کے تعلقات مسلسل مضبوط ہو رہے ہیں۔ ہندوستان، بھوٹان کا سب سے بڑا تجارتی شراکت دار ہے اور اس کے بین الاقوامی کاروبار میں ہندوستانی بندرگاہیں اہم کردار ادا کرتی ہیں۔ بھوٹان کے سماتسے اور گالیفو بڑے ایکسپورٹ-امپورٹ مراکز ہیں، جو ہندوستان-بھوٹان کی تقریباً 700 کلومیٹر لمبی سرحد کو جوڑتے ہیں۔
ہندوستان نے یقین دلایا ہے کہ بھوٹان کے ان معاشی مراکز کو بہتر کنیکٹیویٹی دینے کے لیے ہر ممکن قدم اٹھائے جائیں گے۔ اس سے دونوں ممالک کے درمیان تجارت اور لوگوں کی آمدورفت اور آسان ہوگی۔
مرکزی ریل وزیر نے کہا کہ ہندوستان اور بھوٹان کو جوڑنے والی کوکرا جھار (آسام) سے گالیفو (بھوٹان) تک نئی ریلوے لائن بچھانے کا کام شروع ہو رہا ہے۔ اس منصوبے پر تقریباً 3,456 کروڑ روپے خرچ ہوں گے اور اسے مکمل کرنے میں چار سال لگیں گے۔
منصوبے کی تفصیل
روٹ کی لمبائی: 69 کلومیٹر
بھوٹان کا علاقہ: سرپانگ ضلع
ہندوستان کا علاقہ: آسام کے کوکرا جھار اور چیرانگ اضلاع
کل اسٹیشن: 6
بڑے پل: 29
چھوٹے پل: 65
اہم پل: 2
وایڈکٹ (لمبا اونچا پل): 2
روبس (ریلوے انڈر برج): 39
روبس (ریلوے اوور برج): 1
گڈز شیڈ (مال لوڈنگ پوائنٹ): 2
