منی پور / آواز دی وائس
منی پور کے پہاڑی علاقوں سے سیکیورٹی فورسز نے بڑی تعداد میں اسلحہ برآمد کر لیا ہے۔ منی پور پولیس کے مطابق، منی پور پولیس، آسام رائفلز/فوج اور دیگر سیکیورٹی ایجنسیوں کے اہلکاروں نے ریاست کے پہاڑی اضلاع میں مشترکہ سرچ آپریشن کے دوران بڑے پیمانے پر اسلحہ اور گولہ بارود برآمد کیا ہے، جن میں کئی مہلک ہتھیار بھی شامل ہیں۔ پولیس کے مطابق، یہ آپریشن 3 جولائی کی رات شروع ہوا اور 4 جولائی کی صبح مکمل ہوا۔
سیکیورٹی فورسز کو خفیہ اطلاع ملی تھی کہ مختلف اضلاع میں بڑی مقدار میں اسلحہ اور گولہ بارود چھپایا گیا ہے۔ اسی بنیاد پر فورسز نے ٹینگنؤپال، کانگپوکی، چندیل اور چورہ چند پور اضلاع کے حساس علاقوں میں بیک وقت سرچ آپریشن شروع کیا، جس کے دوران بھاری مقدار میں اسلحہ اور گولہ بارود برآمد کیا گیا۔
برآمد ہونے والے ہتھیاروں کی تفصیل
انساس رائفل: 21
اے کے سیریز: 11
ایس ایل آر: 26
سنائپر رائفل: 2
کاربائن: 3
پی ٹی 303 رائفل: 17
۔51 ایم ایم مورٹار: 2
ایم اے اسالٹ رائفل: 2
ایم79 گرینیڈ لانچر: 3
اسکوپ کے ساتھ رائفل: 1
سنگل شاٹ بریچ لوڈڈ: 18
سنگل بیرل بولٹ ایکشن: 11
پستول: 6
پوائنٹ 22 رائفل: 1
لیتھوڑ: 2
سنگل بور: 25
دیسی پستول: 3
مزل لوڈڈ رائفل: 4
سنگل بور: 6
پومپی: 38
لیتھوڑ: 1
کل ہتھیار: 203
برآمد شدہ گولہ بارود و دھماکہ خیز مواد
۔5.56 ایم ایم کارتوس: 29
۔7.62 ایم ایم کارتوس: 80
آئی ای ڈی: 30
گرینیڈز: 10
پومپی شیلز: 9
لیتھوڑ گرینیڈز: 2
منی پور پولیس نے بتایا کہ یہ کارروائی ریاست میں امن قائم کرنے، قانون کی بالادستی بحال کرنے، اور شہریوں کے جان و مال کے تحفظ کو یقینی بنانے کے لیے کی گئی ہے۔ پولیس کا کہنا ہے کہ منی پور پولیس، آسام رائفلز/فوج اور مرکزی سیکیورٹی فورسز مل کر ریاست میں شرپسند عناصر کے خلاف مہم چلا رہی ہیں تاکہ ریاست میں پائیدار امن قائم کیا جا سکے۔
عوام سے اپیل
پولیس نے عوام سے اپیل کی کہ وہ پرامن اور محفوظ منی پور کے قیام کے لیے پولیس اور سیکیورٹی فورسز سے تعاون کریں اور اگر کہیں بھی غیر قانونی اسلحہ یا مشکوک سرگرمی نظر آئے تو فوری طور پر قریبی پولیس اسٹیشن یا کنٹرول روم کو اطلاع دیں۔ پولیس کے سینئر افسران مسلسل مقامی افراد سے رابطے میں ہیں اور ایسے آپریشنز باقاعدہ جاری رہیں گے، تاکہ عام حالات کی بحالی، امن و امان کی حفاظت اور شہریوں کے جان و مال کا تحفظ یقینی بنایا جا سکے۔
.gif)
.gif)
