ممبئی : مہاراشٹر میں بھیونڈی جسے کبھی 'مانچسٹر آف انڈیا' کہا جاتا تھا اب اپنے ماضی کا سایہ بھی نہیں جسے اب ٹیکسٹائل کا ایک مرتا ہوا شہر کہا جاتا ہے۔کیونکہ خستہ حال بھیونڈی کو اکثر ٹوٹ پھوٹ کا شکار انفراسٹرکچر اور اس کے پاور لومز کے ساتھ ہی دیکھا جاتا ہے جو کبھ اس کی معیشت کا ایک اہم مقام تھا جبکہ بے روزگاری اور ناامیدی اکثر اس قصبے کی وضاحت کرتی ہے ۔

ٹائمز آف انڈیا میں محمد وجہہ الدین کی رپورٹ کے مطابق بھیونڈی میں اب ایک انقلاب آرہا ہے۔ خاموش انقلاب ۔یہ انقلاب ٹیکسٹائل کے میدان میں نہیں بلکہ تعلیمی میدان میں آرہا ہے اور وہ بھی میڈیکل کے میدان میں ۔اس تبدیلی کی ایک دلچسپ کہانی ہے ۔جس میں اہم کردار ادا کررہی ہیں لڑکیاں۔ وہ لڑکیاں جو اپنے خوابوں کی تعبیر حاصل کرکے ڈاکٹر بن چکی ہیں ۔

اس کی ایک تصویر بھیونڈی کے ایک معمولی اپارٹمنٹ کے ڈرائنگ روم میں نظر آرہی ہے جہاں ایک درجن لڑکیاں بیٹھی ہیں، کچھ برقع میں تھیں ۔ ان میں ایک چیز مشترک ہے کہ یہ سب ایم بی بی ایس پاس کر چکی ہیں۔ یہ خوبصورت تصویر بھیونڈی کی عام تصویر سے نمایاں طور پر مختلف ہے

آپ حیران ہونگے مگریہ حقیقت ہے کہ اس ناامیدی کے درمیان ڈاکٹروں کی ایک نئی نسل تیار ہو رہی ہے جو اس تصویر کو بدل سکتی ہے۔ شمیم انصاری نے کہا، "نوجوانوں، خاص طور پر لڑکیوں میں ڈاکٹر بننے کا جنون ہے۔ جلد ہی ہمارے پاس درجنوں تربیت یافتہ ڈاکٹر ہوں گے۔شمیم انصاری جن کی بیٹی سومیا کو ایک رول ماڈل بننے کا سہرا دیا جاتا ہے۔

بھیونڈی ایسٹ کے ایم ایل اے رئیس شیخ نے کہا کہ بھیونڈی کی لڑکیاں نیٹ میں شاندار کارکردگی کا مظاہرہ کر رہی ہیں اور اس کا موازنہ ایک "خاموش انقلاب" سے کیا جا رہا ہے۔ حال ہی میں ہم نے سینکڑوں طلباء کو مبارکباد دی جنہوں نے فلائنگ کلر کے ساتھ ایس ایس سی امتحان پاس کیا تھا، جن میں سے 70فیصد لڑکیاں تھیں۔ جس طرح سے لڑکیاں نیٹ کے امتحانات میں شاندار کارکردگی کا مظاہرہ کر رہی ہیں، یہ تعلیم کے ذریعے آزادی ہے اور وہ ایک خاموش انقلاب لا رہے ہیں۔

انقلاب کا آغاز سومیا انصاری سے ہوا۔ اردو میڈیم میں پڑھتے ہوئے، سومیا نے 2008 میں ایس ایس سی امتحان میں اپنے اسکول میں ٹاپ کیا اور 2011 میں نیٹ میں کامیابی حاصل کی، ایک سرکاری میڈیکل کالج میںایم بی بی ایس کی سیٹ حاصل کی۔ ان کے ساتھ انصاری شفا ۔۔ شمیم اور مومن اسیرا اختر نے بھی نیٹ کو کلیئر کیا۔ بھیونڈی کے رہنے والے قانون کے استاد سلیم یوسف شیخ نے کہا، "ان تین لڑکیوں نے بہت سے نوجوانوں کو متاثر کیا جنہوں نے ڈاکٹر بننے کا خواب دیکھنا شروع کیا۔ 

جہاں بہت سے لوگوں نے بیداری پیدا کرنے کے لیے کام کیا، وہیں بہت سے ڈاکٹر عبدالعزیز کو کریڈٹ جاتا ہے کہ انہوں نے نوجوانوں کو ایم بی بی ایس کرنے کی ترغیب دی۔ فیس کے انتظام سے لے کر طلباء کو ذات کے سرٹیفکیٹ حاصل کرنے میں مدد کرنے اور ان کی توثیق تک ہر کام میں ڈاکٹر عبدالعزیز یہاں طبی خواہشمندوں کے لیے ایک عظیم محرک رہے ہیں۔

 تاجر اکرم انصاری کی بیٹی بھی میڈیکل کی تعلیم حاصل کر رہی ہے۔ انہوں نے کہاکہ ان کے بڑے بھائی بھیونڈی کے چند ابتدائی ایم بی بی ایس ڈاکٹروں میں شامل تھے۔ 

ایک مثال شیخ پرویز احمد ہیں ۔جو پیشہ سے ایک فوٹو گرافر اور ڈرائیور ہیں جو بھیونڈی کے طلباء کو مولنڈ کے ایک کوچنگ سینٹر میں لے جاتے تھے۔ انہوں نے کہا کہ جب میں ان ایم بی بی ایس کے خواہشمندوں کو کوچنگ سینٹر لے کر گیا اور واپس آیا تو میں نے اپنی بیٹی کے بارے میں سوچا۔ میں نے ان لڑکیوں میں سے کچھ کے والدین سے بات کی جنہوں نے میری رہنمائی کی اور میں نے اپنی بیٹی کو بھی اسی کوچنگ سینٹر میں رکھا اور اب وہ بھی ایم بی بی ایس ہے۔