نئی دہلی
لکھنؤ کے محکمۂ موسمیات مرکز نے جمعہ کے روز اتر پردیش کے 10 اضلاع کے لیے ریڈ الرٹ جاری کرتے ہوئے شدید سے انتہائی شدید لو چلنے کی وارننگ دی ہے۔محکمۂ موسمیات کے مطابق باندہ، چترکوٹ، کوشامبی، پریاگ راج، فتح پور، پرتاپ گڑھ، مرزاپور، وارانسی، بھدوہی اور جون پور اضلاع کے لیے ریڈ الرٹ جاری کیا گیا ہے، جہاں دن کے وقت شدید گرمی اور خطرناک حد تک لو چلنے کا امکان ہے۔
اسی طرح سون بھدر، چندولی، غازی پور، اعظم گڑھ، مئو، بلیا، کنوج، کانپور دیہات، کانپور نگر، اناؤ، رائے بریلی، امیٹھی، سلطان پور، باغپت، میرٹھ، غازی آباد، ہاپوڑ، گوتم بدھ نگر، بلند شہر، علی گڑھ، متھرا، ہاتھرس، ایٹہ، آگرہ، فیروز آباد، مین پوری، اٹاوہ، اوریا، جالون، ہمیر پور، مہوبہ، جھانسی اور للت پور سمیت 34 اضلاع کے لیے اورنج الرٹ جاری کیا گیا ہے، جہاں لو اور شدید لو کی صورتحال برقرار رہنے کی پیش گوئی کی گئی ہے۔
محکمۂ موسمیات نے دیوریا، لکھیم پور کھیری، سیتاپور، ہردوئی، فرخ آباد، لکھنؤ، بارہ بنکی، ایودھیا، امبیڈکر نگر، سہارنپور، شاملی، مظفر نگر، کاس گنج، امروہہ، شاہجہاں پور، سنبھل اور بدایوں سمیت 17 اضلاع کے لیے ییلو الرٹ بھی جاری کیا ہے، جہاں لو چلنے کا امکان ظاہر کیا گیا ہے۔
محکمۂ موسمیات کے مطابق آئندہ 48 گھنٹوں کے دوران مشرقی اتر پردیش میں زیادہ سے زیادہ درجۂ حرارت میں بتدریج 2 سے 3 ڈگری سیلسیس تک اضافہ ہو سکتا ہے، جبکہ ریاست کے دیگر حصوں میں ہفتے بھر کے دوران کسی بڑی تبدیلی کی توقع نہیں ہے۔
موسمیاتی انتباہی نظام کے مطابق ییلو الرٹ کا مطلب ہے کہ عوام موسمی صورتحال سے باخبر رہیں اور تازہ معلومات پر نظر رکھیں۔ محکمہ کا کہنا ہے کہ لو کی کیفیت دو دن تک برقرار رہ سکتی ہے۔
اورنج الرٹ کے تحت شہریوں اور انتظامیہ کو مکمل تیاری رکھنے کا مشورہ دیا جاتا ہے۔ محکمۂ موسمیات کے مطابق شدید لو کی صورتحال دو دن تک جاری رہ سکتی ہے، یا مختلف شدت کی لو چار دن یا اس سے زیادہ عرصے تک برقرار رہنے کا امکان ہے۔
.webp "اتر پردیش میں گرمی کی لہر کی وارننگ، ریڈ الرٹ جاری")
