لکھنؤ/ آواز دی وائس
وزیر اعلیٰ یوگی آدتیہ ناتھ نے پیر کے روز ’جن تا درشن‘ پروگرام میں عوام کی شکایات سنیں اور افسران کو ان کے مناسب ازالے کی ہدایت دیتے ہوئے کہا کہ ہر چہرے پر خوشی اور اطمینان لانا ہی حکومت کی اولین ترجیح ہے۔ یوگی آدتیہ ناتھ نے صبح کے وقت اس پروگرام میں ریاست کے 50 سے زیادہ لوگوں کی شکایات سنیں۔ وزیر اعلیٰ ایک ایک کر کے سب کے پاس پہنچے، ان کے درخواست نامے لیے اور افسران کو فوری اور درست کارروائی کی ہدایت دی۔
ریاستی حکومت کے جاری کردہ بیان کے مطابق ’جن تا درشن‘ میں لوگ پولیس، بجلی، ریونیو سے متعلق معاملات، ملازمت، مالی امداد اور دیگر مسائل کو لے کر پہنچے۔
اس موقع پر وزیر اعلیٰ نے کہا کہ کسی کے چہرے پر خوشی لانا ہی دراصل ایشور کی عبادت ہے۔ ریاستی حکومت ہر متاثرہ شخص کو خوشحال بنانے کے جذبے سے کام کر رہی ہے۔
انہوں نے یہ بھی کہا کہ حکومت کی اسکیموں کا فائدہ بغیر کسی تفریق کے سب کو مل رہا ہے اور ’جن تا درشن‘ کے ذریعے بھی عوامی مسائل کا حل نکالا جا رہا ہے۔
