نئی دہلی: کانگریس نے جمعرات کو الزام عائد کیا ہے کہ وزیر اعظم نریندر مودی کی قیادت والی حکومت نے اسرائیلی حکومت کے ساتھ کھڑے ہو کر بھارت کے روایتی مؤقف اور انسانی اقدار سے “غداری” کی ہے۔ پارٹی کے جنرل سیکریٹری جے رام رمیش نے یہ بھی دعویٰ کیا کہ غزہ میں اسرائیل کی “نسل کشی” اور لبنان پر بمباری کے معاملے پر وزیر اعظم کی خاموشی “اخلاقی بزدلی” ہے۔
انہوں نے سوشل میڈیا پلیٹ فارم ایکس پر لکھا، “غزہ میں اسرائیل کی جاری نسل کشی اور لبنان پر شدید بمباری پر وزیر اعظم کی خاموشی اخلاقی بزدلی کو ظاہر کرتی ہے۔ انہوں نے مقبوضہ مغربی کنارے میں لاکھوں فلسطینیوں کی بے دخلی پر بھی مکمل خاموشی اختیار کر رکھی ہے۔”
رمیش نے کہا کہ دنیا میں کوئی بھی ایسی حکومت نہیں جس نے “قاتل اسرائیلی حکومت” کے ساتھ اتنی یکجہتی دکھائی ہو جتنی مودی حکومت نے دکھائی ہے۔ انہوں نے دعویٰ کیا کہ مودی حکومت نے نہ صرف بھارت کے روایتی اصولی مؤقف بلکہ تمام انسانی اقدار سے بھی “غداری” کی ہے۔
