سری نگر، ۔ گورنمنٹ ڈگری کالج گاندربل کے شعبہ جسمانی تعلیم و کھیل نے پیر کے روز "نشہ مکت ہندوستان" مہم کے تحت سالانہ کالج روڈ ریس کا کامیاب انعقاد کیا۔ اس مقابلے میں طلبہ و طالبات نے جوش و خروش کے ساتھ حصہ لیا۔ جن میں این ایس ایس رضاکار۔ این سی سی رضاکار اور کالج کے مختلف شعبوں کے 80 سے زائد طلبہ شامل تھے۔

روڈ ریس کے انعقاد کا مقصد جسمانی صحت کو فروغ دینا۔ صحت مند طرز زندگی کی حوصلہ افزائی کرنا اور منشیات سے پاک معاشرے کی اہمیت کے بارے میں بیداری پیدا کرنا تھا۔ مقابلے کے دوران شرکا نے بہترین برداشت۔ نظم و ضبط اور کھیل کے اعلیٰ جذبے کا مظاہرہ کیا۔

طالبات کے زمرے میں چوتھے سمسٹر کی انشا فیاض نے پہلی پوزیشن حاصل کی۔ چوتھے سمسٹر کی عظمیٰ خورشید دوسرے اور دوسرے سمسٹر کی ریبا جان تیسرے مقام پر رہیں۔

طلبہ کے زمرے میں چھٹے سمسٹر کے عاقب احمد گنی نے پہلی۔ پہلے سمسٹر کے زاہد مقبول خان نے دوسری جبکہ دوسرے سمسٹر کے فاجد احمد بیجارڈ نے تیسری پوزیشن حاصل کی۔

کھیلوں کے فروغ کی حوصلہ افزائی کے لیے دونوں زمروں میں پہلی سے دسویں پوزیشن حاصل کرنے والے طلبہ کو تمغے دیے گئے۔ پہلی۔ دوسری اور تیسری پوزیشن حاصل کرنے والوں کو ٹرافیاں۔ اسناد اور نقد انعامات بھی پیش کیے گئے۔ جبکہ چھٹی سے دسویں پوزیشن حاصل کرنے والے شرکا کو تمغوں اور اسناد سے نوازا گیا۔

کالج کی پرنسپل پروفیسر فوزیہ فاطمہ نے کامیاب طلبہ کو مبارک باد پیش کی اور تمام شرکا کی بھرپور شرکت کو سراہا۔ انہوں نے شعبہ جسمانی تعلیم و کھیل کی کاوشوں کی تعریف کرتے ہوئے ڈائریکٹر جسمانی تعلیم و کھیل ڈاکٹر رویندر کور۔ اسپورٹس کمیٹی کی کنوینر ڈاکٹر شبانہ اسلم۔ اے پی ٹی آئی دیدار سنگھ اور شعبہ کھیل کے دیگر عملے کی محنت کو کامیاب انعقاد کا سبب قرار دیا۔ انہوں نے کہا کہ کھیل نوجوانوں میں نظم و ضبط۔ جسمانی صحت اور منشیات کے خلاف شعور بیدار کرنے میں اہم کردار ادا کرتے ہیں۔

تقریب کی نظامت شعبہ نفسیات کی سربراہ ڈاکٹر الفت نے انجام دی جبکہ شعبہ اردو کی سربراہ اور این ایس ایس افسر ڈاکٹر جمشیدہ نے اظہار تشکر پیش کیا۔

آخر میں کامیاب طلبہ میں انعامات اور اسناد تقسیم کی گئیں اور نشہ مکت ہندوستان مہم کے تحت صحت مند اور منشیات سے پاک معاشرے کے قیام کے عزم کا اعادہ کیا گیا۔

سالانہ کالج روڈ ریس طلبہ کو صحت مند طرز زندگی اپنانے۔ مثبت سرگرمیوں میں حصہ لینے اور منشیات سے پاک اور جسمانی طور پر فعال معاشرے کی تعمیر میں اپنا کردار ادا کرنے کی ترغیب دینے کا ایک مؤثر پلیٹ فارم ثابت ہوئی۔