سراج انور / پٹنہ
یہ محفل کچھ خاص ہوگی۔جس کا انعقاد ہورہا ہےگوتم بدھ کےگیا میں۔ مقام ہوگا ’گاندھی میدان ’جبکہ اجتماع ہوگا ’صوفیوں‘ کا۔
تینوں عدم تشدد کی علامت ہیں۔ تینوں کی زندگی کا مقصدامن کا پرچار یا تشہیر کا رہا تھا ۔ اسی سرزمین سےگوتم بدھ نے دنیا کو مساوات کے فلسفہ کی اہمیت بتائی تھی اورانسانیت کا پیغام دیا تھا۔ اس میدان کوگاندھی جی کےنام سےمنسوب کیا گیا جنہوں نےعدم تشدد کا پیغام دیا اوراسی کے راستے پرچل کرہندوستان کو آزادی دلائی تھی۔اب اس سرزمین پرصوفی تعلیمات کو مزید مقبول بنانے کےلئے بیرا اٹھایا جارہا ہے۔
دنیا جس دور سے گزر رہی ہے اس کا احساس ہم سب کو ہے۔ ہرکوئی کسی نہ کسی درد،بےچینی،حسد،ہوس،لالچ،بد عنوانی اورسازشوں کا سامنا کرنا پڑرہا ہے۔یہی وجہ ہے کہ اب دنیا امن کی تلاش میں بھٹک رہی ہے اور ایسے نظریات کوتلاش کررہی بہے جو کم سے کم دل اور دماغ کو سکون دے سکیں۔اسی کی ایک کوشش کا حصہ ہوگی۔ اسلامی تعلیم کی عملی شکل صوفیوں کی تعلیم اورزندگی میں ہے ۔جنہوں نے بلا امتیاز انسانیت سے محبت کا حقیقی پیغام پہنچایا۔ اس پیغام کو صوفی بودھ کے گیا سے گاندھی کی یاد دلانے والے میدان سے دنیا کو صوفی تعلیمات کا پیغام دیں گے۔
مگدھ کی سرزمین پر پہلی بار صوفیوں کا اجتماع ہوگا۔ بین الاقوامی فیضان تصوف کانفرنس میں مدینہ منورہ ، مکہ مکرمہ ، بغداد، کربلا، لندن، مصر، شام سمیت ہندوستان کے مشہور مقررین شرکت کریں گے۔ عالم اسلام کی شان کہلانے والے جامعہ اظہر یونیورسٹی کے شیخ عالم المود ، عراق سے محمد علی العربی، مدینہ سے جعفرحسینی الشجالی المدنی ، لندن سے محمد سعید الحسینی ، پاکستان سے معروف شاعرحافظ طاہررضا، خانقاہ خواجہ غریب نواز اجمیر شریف کی گدی نشین سید مہدی میاں حضرت نظام الدین اولیا سے دہلی کے سجاد ہ نشین سید صادق سرورحسین نظامی،خانقاہ قطب الدین بختیار کاکی مہرولی شریف سجادہ نشیں سید بدر ربانی ، کچھوچا شریف سے سید حمزہ سید میاں،خانقاہ برکتیہ کے سید نجیب حیدر میاں ،خانقاہ قدسیہ ،اڑیسہ کےاعلی رسول حبیبی قدسی، بریلی شریف سے عمررضا خان کے علاوہ بہار کے تمام خانقاہوں کے ذمہ دار شرکت کریں گے۔ جن میں سے بہت سے لوگوں نے دعوت قبول کرلی ہے۔
صوفی کانفرنس کی تیاریوں اور کامیابی کے لئے گیا شہر کے اے ایم گرین پیلس میں ایک اہم اجلاس طلب کیا گیا تھا۔ جس میں شہر کے دانشوروں ، سماجی کارکنوں اور نوجوانوں نے اپنی آراء سے واقف کیا۔ کانفرنس دارالعلوم اسحاق فیض اے نوری کریم گنج ، گیا کے بینر تلے ہے۔مولانا عمر نورانی کو کنوینر اور اقبال حسین کوآرڈینیٹر مقرر کیا گیا ہے۔ کانفرنس کے ذریعہ ہم اپنے ساتھی بھائیوں کو امن ، محبت ، محبت اور باہمی بھائی چارہ کا پیغام دیں گے ، ہم لوگوں تک صوفیاء کے کلام بھی پہنچائیں گے۔ مولانا عمر نورانی نے آواز دی وائس کو بتایا - 'یہ صوفیہ ا کرم دنیا کو امن و امن کا عملی پیغام دیں گے۔ آج نہ صرف مسلم معاشرہ بلکہ پوری انسانی معاشرے کو صوفیہ کی تعلیم کی بہت زیادہ ضرورت ہے۔
