نئی دہلی

مرکزی وزیر برائے سڑک نقل و حمل و شاہراہیں نتن گڈکری نے پیر کو مہاراشٹر میں مجوزہ ہائی اسپیڈ کوریڈورز، ہائی ڈینسٹی کوریڈورز اور دیگر اہم قومی شاہراہ منصوبوں کا جائزہ لیا۔نئی دہلی میں منعقدہ جائزہ میٹنگ کے دوران گڈکری نے کئی اہم شاہراہ ترقیاتی منصوبوں پر تبادلہ خیال کیا، جن میں ناگپور–بھندارا سیکشن کی چھ لین توسیع، تلوڈا–برہان پور سیکشن کی چار لین تعمیر، درگ–گڈچیرولی–منچیریال کوریڈور، گڈچیرولی–کانکر (رائے پور–ویزگ) کوریڈور، اور گوالیار–ناگپور کوریڈور شامل ہیں۔

میٹنگ میں مہاراشٹر میں قومی شاہراہوں پر مجموعی طور پر 527 کلومیٹر طویل نو ریاستی بی او ٹی (بلڈ-آپریٹ-ٹرانسفر) منصوبوں پر بھی غور کیا گیا۔ان منصوبوں میں شیرور–اہلیہ نگر (چار لین)، اہلیہ نگر–وڈالا (چار لین)، وڈالا–چھترپتی سمبھاجی نگر (چار لین)، چھترپتی سمبھاجی نگر–جلنا (چار لین)، جلنا–واتور (چار لین)، ناندیڑ–نرسی–ڈیگلور (چار و دو لین)، جم–وارورا (چار لین)، وارورا–چندراپور–بامنی (چار لین)، اور ملکاپور–چکھلی (دو لین) کوریڈور شامل ہیں۔

بیان کے مطابق اس جائزے کا مقصد منصوبہ بندی اور عمل درآمد کو تیز کرنا ہے تاکہ سڑک رابطہ مضبوط ہو اور خطے کی معاشی ترقی کو فروغ ملے۔